Esta nueche a partir de les 23:00 voi entamar una collaboración quincenal nel programa Noche tras noche de la radio autonómica d’Asturies (RPA) participando na tertulia de los llunes y con una sección de conteníos variaos que va darréu. Podéis sentir el programa nel dial habitual o n’internet equí.

L’Academia de la Llingua Asturiana celebra estos díes les XXXIII Xornaes Internacionales d’Estudiu na Facultá de Filosofía y Lletres de la Univerisdá d’Uviéu. Güei, Inaciu Galán, profesor, periodista y presidente d’Iniciativa pol Asturianu dio llectura a la so propuesta, titulada “Adautación del enseñu d’asturianu al Marcu común européu de referencia pa llingües”. Nesta comunicación compartió col públicu la so idea sobre los pasos a dar pa la homologación de los niveles de conocencia de la llingua asturiana dientro del marcu común européu.

Dende l’añu 2001 la mayor parte de les llingües europees vienen adautando los sos niveles d’enseñu p’adultos a esti nuevu marcu, cada vegada más xeneralizáu y conocíu pola so graduación en niveles dende l’A1 hasta’l C2. Galán quier animar con esti trabayu a les instituciones asturianes a dar los pasos que permitan homologar col Marcu de Referencia Européu pa Llingües los actuales niveles de reconocencia establecíos pola Academia de la Llingua Asturiana y otres entidaes como la Universidá d’Uviéu.

L’establecimientu del nuesu sitema permitiría una meyor indentificación de los niveles de conocencia y de les competenencies de los usuarios, de cara al establecimientu de niveles de conocencia pa les places de funcionariáu, que dende l’aprobación de la Llei d’Usu del Asturianu de 1998, pueden tener al asturianu como unu de los baremos a tener en cuenta.

La comunicación establez los pasos a dar nun plan cenciellu y que según esplicó Galán, malapenes supondría gastu a l’alministración, yá que ye un procesu de reconocencia alministrativa, qu’amás ye necesariu pa homologar los estudios d’asturianu colos de les demás llingües que yá pasaron pel procesu, casu del castellán, catalán o gallegu, ente les más de 200 llingües d’Europa.

Fonte: Elbuscolu http://www.elbuscolu.com/asturianu-bable/inaciu-galn-propn-adautar-los-actuales-estudios-d-asturianu-p-adultos-al-sistema-europu-homologu/17108

(D’inciativapolasturianu.org) Nesta nueva edición del programa Iniciativa pol Asturianu nes 

Ente los temes trataos, l’aprobación de la propuesta d’Iniciativa pol Asturianu pola que les llinies d’autobuses urbanos d’Uviéu van tar n’asturianu, la situación en Grau, onde l’acalde escaez usar el nuesu idioma nos nuevos cartelos de los monumentos del conceyu, cuando na versión anterior yá taben na nuesa llingua. Amás un alumnu d’un institutu de Mieres tará con nós pa desplicanos la imposibilidá de matriculase na asignatura de llingua asturiana cola que s’atopó nel so centru educativu.

Sentir el programa completu

El Conceyu de Cangas y l’Academia de la Llingua Asturiana (ALLA) entamaron una edición especial del Día de les Lletres Asturianes en Cangas. El teatru Toreno foi l’escenariu d’esta celebración. Ana Cano, recordó que’l Día de les Lletres Asturianes celébrase’l primer vienres del mes de mayu y que “nun puede sacase del Teatru Campoamor d’Uviéu”. Sicasí, anguaño a propuesta del Conceyu de Cangas el Día de les Lletres tuvo llugar esta celebración previa.

[youtube http://www.youtube.com/watch?v=JpJzfqGw4VE&w=560&h=315]

Inaciu Galán Director de la revista ‘Formientu’. El númberu 11 de la espublización ve la lluz estos díes con aires renovaos y apostando polos autores mozos

«Tamos perdiendo falantes del asturianu ensin parar»

ENRIQUE CARBALLEIRA

La revista de lliteratura ‘Formientu’ abre una nueva etapa onde, magar de dellos cambios, va siguir apostando pola promoción de los autores más mozos. Falamos col so director, Inaciu Galán.

–¿Cómo nació Formientu?

–Formientu apaeció nel añu 2006 porque como escritor mozu dábame cuenta de que los de la mio xeneración nun teníen un espaciu específicu pa dar a conocer la so obra y pensé que sedría una bona iniciativa’l xuntalos nuna revista que pudiera dir dando a conocer a nueves promeses de la lliteratura asturiana.

–¿Qué conteníos podemos destacar d’esti númberu 11?

–Esti númberu ye’l primeru d’una nueva etapa. Venimos de celebrar el quintu aniversariu de la revista. Agora vamos publicar un númberu al añu en llugar de dos, pero con un formatu más curiosu, con más páxines que-y dan cuerpu y espaciu pa publicar testos más llargos. Podemos dedicar más espaciu a les fotografíes, yá que mos presta qu’en cada númberu un artista mozu ilustre les páxines. Nesti casu ye’l llangreanu Alex Ordiales. El so trabayu y la maquetación y diseñu d’Andrés Alonso Moutas crearon un númberu mui atractivu. Amás, incluyimos una sección nueva dedicada a recuperar testos d’autores clásicos y contemporanéos.

–¿Ta llogrando promoción de nuevos autores?

–Nesti tiempu más d’ochenta autores pasaron peles páxines de los 11 númberos qu’asoleyamos, y munchos d’ellos diéronse a conocer y publicaron los sos primeros llibros gracies a esti escaparate que ye Formientu frente a les editoriales y la crítica. En xeneral toi satisfechu del resultáu.

–¿Tán teniendo problemes a la hora de llograr una bona distribución?

–La distribución ye mui complicada, nós a partir d’esti númberu cuntamos con dos puntos de venta, la Llibrería Paradiso en Xixón y Ojanguren n’Uviéu, que tamién vende per internet y lleva les soscripciones. La idea ye tener dos llugares de referencia onde puedan atopase tamién los númberos anteriores, anque mos prestaría poder tenela en más sitios fuera de les ciudaes del centru d’Asturies y tamos abiertos a ello.

–¿Qué papel ta xugando la revista nel sector editorial?

–Esta revista ye lo que ye, faise de manera desinteresada y con un oxetivu de promoción de la lliteratura y la llingua asturiana ente la xente más mozo. El sector editorial asturianu, por embargu, ye un sector profesional, un negociu que crea empleu y riqueza económica y cultural na sociedá, y asina tien que ser. L’alministración asturiana nun fai una política activa de promoción del llibru n’asturianu. Dan unes ayudes pa la publicación y olvídense. Nun hai más que ver la entrega de los premios lliterarios n’asturianu de la Conseyería de Cultura, onde nun apaez nunca’l presidente d’Asturies y con suerte va la conseyera de Cultura.

La so presencia y l’apoyu en xeneral a la lliteratura y al asturianu fadríen más que toles ayudes que puedan dar. Como en cuasi toles coses n’Asturies, el Gobiernu nun tira polo nueso, y la sociedá nun acaba d’implicase lo suficiente.

Lo positivo, hai una bona producción de calidá, que ta reconcida en tol mundu y cada vegada más xente que sal de les escueles lleendo n’asturianu ensin dificultaes.

–¿Qué planes tienen pal futuru de ‘Formientu’?

–Sobrevivir (rises). Sacar alantre cada númberu lleva munchu trabayu, la verdá, anque presta ver el resultáu. La idea ye siguir alantre, moviéndola tolo posible y atopando nuevos autores mozos que vaigan dando continuidá al proyectu. Nos próximos meses vamos presentala en Corvera, Bimenes, Coluga y nel Centru Asturianu de Madrid.

–Usté tamién ye presidente de la organización Iniciativa pol Asturianu. ¿Por qué decidieron crear la plataforma?

–Iniciativa pol Asturianu naz en 2011 del descontentu cola situación qu’atraviesa la llingua asturiana. Un grupu de persones que pensamos que podemos aportar coses nueves, una forma distinta de facer reivindicación llingüística, creámosla pa venir a sumanos al trabayu mui meritoriu que yá veníen faciendo otres organizaciones, anque d’otra forma, con otres idees complementaries, otres estratexes.

L’oxetivu principal ye concienciar a la sociedá asturiana de la necesidá de que tol mundu s’implique, porque esto nun ye cosa nin solo de los políticos nin solo del asturianismu, tenemos que da-y futuru al asturianu implicándonos toos.

–¿Ye tan grave como paez la situación de la llingua?

–La situación del asturianu ye mala, eso ye obvio, perdemos falantes ensin parar, los que queremos usar esta llingua siguimos ensin ver reconocíos los nuesos derechos. Por embargu, nun comparto’l pesimismu, creo que ser pesimistes lleva namás al inmovilismu. L’asturianu precisa de munchu trabayu.

Entrevista n’El Comercio equí.

El asturianismo rinde tributo al escritor Emilio Robles Muñiz, «Pachín de Melás», al cumplirse tres cuartos de siglo de su muerte, durante la Guerra Civil

06.04.2013 | 04:02

Pilar Robles, hija de Pachín de Melás, en primera fila, en el centro, y su hija Ángeles, a la izquierda de la imagen. marcos león

J. M. CEINOS La de Emilio Robles Muñiz, «Pachín de Melás» en la historia de la literatura asturiana, fue una vida dedicada a su tierra natal gijonesa y al ideal de preservar las raíces culturales de Asturias, que terminó en la enfermería de la cárcel de El Coto el 6 de marzo de 1938, en plena Guerra Civil, a causa de una dolencia cardiaca.
Y tres cuartos de siglo después de la muerte del prolífico escritor en llingua asturiana, que había nacido en 1877, las sociedades asturianistas Iniciativa pol Asturianu y Ástura organizaron una velada en recuerdo de Pachín de Melás en la sede del Ateneo Obrero, a la que asistieron Pilar Robles, hija del escritor, y su nieta Ángeles. Una velada que, según sus organizadores, tiene el propósito de convertirse en una cita anual para recordar «a uno de los escritores asturianos más importantes del siglo XX», en palabras de Xuan Pandiella, de Ástura.
También criticó Pandiella el desinterés oficial sobre Pachín de Melás, como lo prueba que el 75.º aniversario de su muerte quedase en el olvido, salvo por el acto celebrado ayer para homenajear a «un asturiano ejemplar y un buen gijonés, que fue quien puso a salvo los restos de Jovellanos» antes de que la iglesia parroquial de San Pedro fuera volada durante la Guerra Civil.
Ese episodio dio pie a Pilar Robles para corregir algunos datos recogidos sobre su padre. Por ejemplo, Pachín de Melás no nació en Cimavilla, «era de Bajovilla, de la que ahora es la calle de Melquíades Álvarez, esquina con la calle Contracay», refirió Pilar Robles, que tenía 15 años cuando falleció su padre.
También relató que Pachín de Melás, en efecto, rescató los restos de Jovellanos que estaban en la iglesia de San Pedro, pero «con testigos y por lo legal», después de que, como gran jovellanista, advirtiera al anarquista Avelino González Mallada, entonces presidente de la gestora municipal republicana que gobernaba el Ayuntamiento de Gijón, de que la voladura de la iglesia destruiría los restos de Jovino.
«Antes de que los mineros volaran la iglesia de San Pedro mi padre, con testigos, los recogió y los depositaron en la Escuela de Comercio». Así se salvaron los restos del ilustrado, que reposan ahora en la capilla de los Remedios, aneja a su casa natal, en Cimavilla.
Tras la caída del Gijón republicano en manos del bando nacional, el 21 de octubre de 1937, Pachín de Melás, que se había distinguido en impulsar un estatuto de autonomía para Asturias, fue detenido y encarcelado en la prisión de El Coto. En el recordatorio de ayer se leyó la última carta que desde la cárcel remitió el escritor a su esposa, Agapita, en la que confesaba desconocer el delito del que estaba acusado. «Yo qué hice», repetía a su familia Pachín de Melás, relató su hija Pilar. A los pocos días de la misiva, Emilio Robles Muñiz dejó de existir.

Tuvi esti día nel homenaxe que se-y fizo a don Emilio Robles Muñiz, “Pachín de Melás, con motivu del 75 cabudañu de la so muerte. L’actu taba organizáu poles asociaciones “Iniciativa pol asturianu”, que preside l’inquietu y trabayador Inaciu Galán, y “Ástura”, representada nesta ocasión por Xuan Pandiella, y cellebróse nos llocales del meritoriu Atenéu Obreru de Xixón, siempre abiertu, col espíritu fundacional, a los actos culturales asturianos y, como nesti casu, asturianistes.

Esti llevaba tola pinta de ser un actu cultural más, reivindicativu, como tien de ser, pues la cultura asturiana ye dalgo siempre a reivindicar y a tener presente, y más nestos casos en que, eso que se llama “les instancies oficiales”, “pasaron” del actu y del homenaxe, pero tuvimos la suerte de cuntar ellí cola presencia de la fía y la nieta d’Emilio Robles que fueron dalgo más qu’unes “figures decoratives”.

N’efeutu, Pilar, la so fía, una señora de 92 años que nun aparenta nin la metada, fue la verdadera protagonista del actu del Atenéu. Sobremanera, contaxándonos cola so emoción y les sos llárimes la llectura de la última carta escrita pol autor xixonés dende la carcel del Coto. Una carta, empobinada a la so muyer Agapita, que lleó’l representante de la Tertulia Pachín de Melás, Xelu Neira, nuna decisión que yo considero abondo desafortunada. Nun pue sometese a una señora de 92 años, qu’acude a un actu d’homenaxe en memoria de so padre, a la llectura d’un documentu d’esa mena. Un documentu tráxicu que pudo provocar dalgo más que llárimes nel corazón de la so fía. Pero Pilar, al marxe de les llárimes, reaicionó con una gran entereza. La mesma que tuvo cuando, de mou improvisáu, el presentador del actu, Inaciu Galán, invitóla a xubir al estráu a cuntar dalgunos recuerdos de so pá, entovía cola emoción nos güeyos. Ellí tuvo xenial, con memoria y un gran sentíu del humor, aprovechando pa enderechar dalgunos datos enquivocaos al rodiu de la vida de Pachín, como’l so llugar de nacencia (na cai Melquiades Álvarez), o los socesos que se produxeron alredor de los restos de Xovellanos que, tando na Ilesia de San Pedro, hubo que los rescatar enantes de que la dinamitaran, con un gran protagonismu del escritor xixonés qu’ella desplicó. Hubo, tamién, anéudotes y recuerdos infantiles y la verdá ye que fueron unos minutos prestosísimos y emocionantes, zarraos con una gran ovación a Pilar.

L’actu cuntó, amás, cola llectura d’unos testos del autor destacando, al mio xuiciu, la intervención del académicu de la llingua, Monchu Iglesias, que lleó ún mui prestosu dedicáu a “Nolón” (Perfecto Fernández Usatorre), cuando ésti vieno d’América probe y alcoholizáu. Un homenaxe, pues, prestosu y oportunu, al escritor bayurosu y al entamador d’iniciatives asturianistes, como la revista “Alma Asturiana”, o la Biblioteca de Autores Asturianos, ensalzáu pola presencia de la familia con una intervención importante de la so fía. Recordar, sicasí, que va unos pocos díes apaecía nel periódicu l’anuncia de que’l Presidente del Principáu, y el so séquitu, entrevistáronse en México con un nietu de Pachín de Melás, Germán Robles. Nun sé de qué falaríen na intimidá, pero l´únicu comentariu que punxeron en boca del Presidente fue: ””Eres el responsable de envenenar mis noches infantiles“, faciendo mención a los papeles de “vampiru” que Germán desendolcó na so carrera d’actor. Igual tamién falaron de Pachín de Melás, un de los escritores claves na lliteratura asturiana, pero eso nun lo ponía la prensa.

(La semeya del actu ye de Citoula, diariu El Comercio)

L’actu va tener llugar esti vienres nel Atenéu Obreru de Xixón (cai Cuadonga, 7-Primeru izquierda) a les 20 hores y nél va tar presente la fía viva última d’Emilio Robles ‘Pachín de Melás’ y dellos miembros de la so familia, asina como escritores y delles personalidaes de la sociedá asturiana. Inaciu Galán va encargase de la so presentación.

Los coleutivos Iniciativa pol Asturianu y Ástura pretenden con esta actividá facer alcordanza de la figura de Pachín de Melás, “yá que les entidaes públiques nun faen un res pola so memoria nestos díes”. “Creemos que ye un personaxe que nun puede ser escaecíu pola so importante aportación a a la lliteratura y a la llingua y cultura asturianes”, afirmen los organizadores del actu, que conviden a tola ciudadanía a asistir al actu y, si-yos presta, lleer como homenaxe a Pachín de Melás un testu o poema del autor.

(d’asturies.com, redactor: Pablo R. Guardado)