{"id":2184,"date":"2017-05-18T14:41:35","date_gmt":"2017-05-18T14:41:35","guid":{"rendered":"https:\/\/inaciugalan.wordpress.com\/?p=2184"},"modified":"2017-05-18T14:41:35","modified_gmt":"2017-05-18T14:41:35","slug":"testu-de-la-intervencion-diniciativa-pol-asturianu-na-comision-destudiu-sobre-la-proteccion-del-asturianu-na-xunta-xeneral","status":"publish","type":"post","link":"https:\/\/inaciugalan.com\/testu-de-la-intervencion-diniciativa-pol-asturianu-na-comision-destudiu-sobre-la-proteccion-del-asturianu-na-xunta-xeneral\/","title":{"rendered":"Testu de la intervenci\u00f3n d’Iniciativa pol Asturianu na Comisi\u00f3n d’Estudiu sobre la protecci\u00f3n del asturianu na Xunta Xeneral"},"content":{"rendered":"

Comisi\u00f3n Especial d<\/strong>\u2019<\/strong>estudiu sobre<\/strong>\u2019<\/strong>l r\u00e9xime de protecci\u00f3n y promoci\u00f3n del asturianu y les sos distintes alternatives na\u00a0Xunta\u00a0Xeneral\u00a0d<\/strong>\u2019<\/strong>Asturies<\/strong><\/p>\n

\"INACIU<\/p>\n

10 de mayu de 2017<\/p>\n

Inaciu Gal\u00e1n y Gonz\u00e1lez<\/p>\n

Presidente d<\/em>\u2019Iniciativa pol Asturianu<\/em><\/p>\n

 <\/p>\n

Mui bonos d\u00edes. Estimaes y estimaos se\u00f1ores diputaos y diputaes miembros d\u2019esta Comisi\u00f3n especial d\u2019estudiu sobre\u2019l r\u00e9xime de protecci\u00f3n y promoci\u00f3n del asturianu.<\/p>\n

 <\/p>\n

En primer llugar, nel mio nome y nel d\u2019Iniciativa pol Asturianu, la ONG a la que represento g\u00fcei, gracies por convidanos a falar de la situaci\u00f3n llegal del idioma nesta comisi\u00f3n de la\u00a0Xunta\u00a0Xeneral d’Asturies.<\/p>\n

 <\/p>\n

La situaci\u00f3n de la llingua asturiana, y del gallego-asturianu nel so \u00e1mbitu, ye la d\u2019una llingua en retrocesu pola falta de mid\u00edes que la normalicen. La percepci\u00f3n del idioma per parte de la poblaci\u00f3n, por dicilo de dalguna manera, l\u2019autoestima de los falantes y el prestixu na socied\u00e1, meyor\u00f3. Por embargu, y anque la comunid\u00e1 de falantes tien g\u00fcei unes estructures sociales meyor construy\u00edes dende l\u2019\u00e1mbitu civil y una autoconciencia mayor que nunca, sigue baxando\u2019l n\u00famberu de falantes.<\/p>\n

 <\/p>\n

Por dir a un casu cercanu, falemos del Pa\u00eds Vascu. Nel a\u00f1u 1981 m\u00e1s del 60% de los vascos nun sab\u00eden euskera, g\u00fcei, menos del 40% de la poblaci\u00f3n total sigue ensin saber la llingua propia del territoriu, mientres qu\u2019esti datu ye ent\u00e1 meyor, superando\u2019l 96% de conocencia lling\u00fc\u00edstica del euskera ente los menores de 19 a\u00f1os. Lo que xenera unes espectatives de futuru bien esperanzadores. Y esto con una llingua como l\u2019euskera que sup\u00f3n un verdaderu retu pola so distancia del castell\u00e1n, cola que comparte espaciu.<\/p>\n

 <\/p>\n

Mientres, les estad\u00edstiques d\u2019Asturies f\u00e1lenmos d\u2019una realid\u00e1 mui diferente y con poques se\u00f1ales d\u2019esperanza. Magar que nun tenemos datos nuevos dende l\u2019a\u00f1u 2002, lo que son y\u00e1 m\u00e1s de quince a\u00f1os ensin actualizar la situaci\u00f3n sociolling\u00fc\u00edstica, y polo tanto de dalguna manera a palpu, la percepci\u00f3n ye clara, l\u2019asturianu sigue perdiendo falantes, nun se t\u00e1n faciendo les pol\u00edtiques precises pa evitar esta situaci\u00f3n y revertila.<\/p>\n

 <\/p>\n

Los diputaos y diputaes d\u2019esta c\u00e1mara de representaci\u00f3n han faese una entruga y dar respuesta sincera a ella. \u00bfTienen la intenci\u00f3n de salvar esta llingua y proyectala hacia\u2019l futuru como un elementu importante na vida de los asturianos y les asturianes, o pela cueta, van dexar que l\u2019asturianu muerra pasu ente pasu nes pr\u00f3ximes d\u00e9cades? Dende la socied\u00e1 civil podemos pone-y vendes a la ferida, esbrexar p\u2019aselar l\u2019argayu que lleva per delantre al idioma, pero nam\u00e1s dende equ\u00ed, dende la\u00a0Xunta\u00a0Xeneral\u00a0y dende\u2019l Gobiernu d\u2019Asturies, ten\u00e9is les ferramientes pa da-y futuru al idioma.<\/p>\n

 <\/p>\n

Les cases han construyise pelos cimientos, y nuna llingua, los falantes m\u00e1s mozos son el futuru col que construyir unos pegoyos fuertes que seyan a tener pol idioma. El sistema educativu asturianu nun garantiza\u2019l deprendizaxe del idioma propiu. Nam\u00e1s un sistema educativu onde l\u2019asturianu seya un asignatura normal y pa tola poblaci\u00f3n escolar, am\u00e1s de modelos educativos col asturianu como llingua vehicular, va ser quien a garantizar el deprendizaxe del idioma per parte de tolos estudiantes que pasen pel sistema educativu. Y salir del sistema educativu sabiendo remanar l\u2019asturianu, xunto al castell\u00e1n y a les lling\u00fces estranxeres que se considere, ye la \u00fanica forma de que la poblaci\u00f3n tenga, y\u00e1 como adultos, la llibert\u00e1 d\u2019escoyer ente un idioma y otru pa la so vida diaria y pa cada situaci\u00f3n na que tean. La ense\u00f1anza xeneralizada del asturianu ye la \u00fanica forma de da-y garant\u00eda a la llibert\u00e1 d\u2019usu, asina como una oportunid\u00e1 a la recuperaci\u00f3n de los procesos de tresmisi\u00f3n xeneracional.<\/p>\n

 <\/p>\n

La mala noticia ye que llevamos munchu retrasu nesti campu. La bona ye que lling\u00fces con situaciones peores que la del asturianu, consiguieron revertir esta realid\u00e1\u00a0<\/strong>aplicando les mid\u00edes afayadices.<\/p>\n

 <\/p>\n

Pero nun val nam\u00e1s cola escuela. Los medios de comunicaci\u00f3n, y n\u2019especial los p\u00fablicos, han ser una ferramienta pa da-y visibilid\u00e1 y usu diariu al idioma, modelos de prestixu, ociu ya informaci\u00f3n n\u2019asturianu. Somos la \u00fanica comunid\u00e1 aut\u00f3noma que con una llingua propia protexida nun tenemos una canal auton\u00f3mica de radio y televisi\u00f3n que la use de forma preminente.<\/p>\n

 <\/p>\n

La mayor\u00eda de les mid\u00edes que proponemos g\u00fcei equ\u00ed dende Iniciativa pol Asturianu, nun tienen un costu m\u00e1s all\u00e1 del que y\u00e1 ta teniendo facelo en castell\u00e1n. Ustedes, los represenantes p\u00fablicos: diputaos, conseyeros, alcaldes, conceyales\u2026 faciendo usu del asturianu en tolos \u00e1mbitos, tami\u00e9n faen un llabor importante. Nun pue ser que s\u2019oiga tan poco la llingua de los asturianos na boca de los sos representantes. Pidimos un esfuerciu nesti campu. Nun saben lo importante que ye pa falantes como la mio g\u00fcela, ver con incredulid\u00e1 pero con arguyu, como diputaos d\u2019esta\u00a0Xunta\u00a0Xeneral\u00a0s\u2019espresen n\u2019asturianu, na so llingua de casa, la que-y fixeron pensar a la probe que nun val\u00eda pa nada. Esta ye una midida que sal de baldre, que nun precisa de declaraciones d\u2019oficialid\u00e1 nin d\u2019alcuerdos, nam\u00e1s de la volunt\u00e1 de ca\u00fan y ca\u00fana d\u2019ustedes.<\/p>\n

 <\/p>\n

Tamos viendo como pali que pali l\u2019asturianu va esmuci\u00e9ndose col pasu los a\u00f1os. Y esto sup\u00f3n la perda d\u2019un patrimoniu cultural de primer orde, d\u2019una de les 7.000 lling\u00fces del mundu, d\u2019una ayalga \u00fanica. Pero n’Asturies nun cuerre peligru nam\u00e1s un patrimoniu cultural y lling\u00fc\u00edsticu. La falta d’oficialid\u00e1 convi\u00e9rtenos a los falantes d’asturianu en ciudadanos de segunda, con menos drechos civiles que les persones que deciden o a les que nun-yos queda m\u00e1s remediu qu’espresase en castell\u00e1n. La oficialid\u00e1 ye la ferramienta que pue garantizar un cambiu nesti tratu desigual, antidemocr\u00e1ticu, anticonstitucional y que ye dificil d’entender dempu\u00e9s de m\u00e1s de trenta a\u00f1os d’oficialid\u00e1 del restu de les lling\u00fces del est\u00e1u.<\/p>\n

 <\/p>\n

Y hailos qu\u2019ent\u00e1 piensen que l\u2019asturianu ye un caprichu, una especie d\u2019entretenimientu que dalgunos tenemos pa molestar a les instituciones, ensin entender qu\u2019esta ye una cuesti\u00f3n de drechos civiles como ciudadanos, de Drechos Humanos como persones, una cuesti\u00f3n recoyida na llexislaci\u00f3n internacional y qu\u2019obliga a les instituciones a cumplir.<\/p>\n

 <\/p>\n

Un rapaz al que lleven a una sala d\u2019interrogatorios policiales porque pide que se cumpla la llei y que\u2019l so DNI lleve la toponimia oficial, una madre que quier matricular a la so f\u00eda na asignatura d\u2019asturianu y vive\u2019l calvariu de tener qu\u2019enfrentase a la direcci\u00f3n del centru onde estudia, un funcionariu al que-y \u00f1eguen la posibilid\u00e1 d\u2019operase a coraz\u00f3n abiertu por presentar la petici\u00f3n de permisu n\u2019asturianu, una empresa a la que-y prohiben etiquetar el so productu nesti idioma. Pas\u00f3 en Xix\u00f3n, pasa en Mieres, pasa en Cangas del Narcea, pasa en tantos sitios d\u2019Asturies y pasa cada a\u00f1u. Y nun son an\u00e9cdotes simp\u00e1tiques, son exemplos d\u2019un situaci\u00f3n llamentable y que tien igua, eso s\u00ed, siempres que se quiera solucionar.<\/p>\n

 <\/p>\n

Esta realid\u00e1 lleva demasiao tiempu y ye una vergo\u00f1a pa la socied\u00e1 asturiana, un importante d\u00e9ficit democr\u00e1ticu al qu\u2019hai que-y poner soluci\u00f3n. Nam\u00e1s queremos vivir n\u2019asturianu, nam\u00e1s queremos el drechu a ser un ciudadanu o una ciudadana m\u00e1s, que nun tien que pelear cada ocasi\u00f3n pa poder vivir n\u2019asturianu, porque ye insoportable y ye inxusto.<\/p>\n

 <\/p>\n

El conflictu lling\u00fc\u00edsticu esiste, ta presente y viv\u00edmoslu cada d\u00eda les persones que facemos vida falando n\u2019asturianu en tolos \u00e1mbitos. Y lo m\u00e1s chocante ye que los problemes nun vienen de la xente, nin siquiera de los que nun falen asturianu, que reciben mui bien que se-yos fale nesti idioma, porque toos y toes n\u2019Asturies entendemos asturianu y les conversaciones billing\u00fces son lo m\u00e1s normal, sin\u00f3n de les alministraciones p\u00fabliques, les que t\u00e1n obligaes por llei a salvaguardar los nuesos drechos lling\u00fc\u00edsticos, pola Constituci\u00f3n, pol Estatutu d\u2019Autonom\u00eda, pola Carta Europea de les Lling\u00fces Minoritaries, pola que\u2019l Gobiernu d\u2019Espa\u00f1a se comprometi\u00f3 a mid\u00edes a favor del asturianu que nun t\u00e1n llevando alantre.<\/p>\n

 <\/p>\n

Va un a\u00f1u y mediu representaba a Iniciativa pol Asturianu y a los falantes d\u2019esti idioma nel Altu Comision\u00e1u de Drechos Humanos de les Naciones Xun\u00edes, en Xinebra. Esta importante instituci\u00f3n internacional, entrug\u00f3nos sobre la situaci\u00f3n de los Drechos Humanos n\u2019Asturies, y una de les sos esmoliciones foi la situaci\u00f3n que vivimos los asturfalantes. \u00bfTendr\u00e1n que venir sanciones de fuera pa que\u2019l Gobiernu d\u2019Asturies se decate de qu\u2019esta situaci\u00f3n ye una inxusticia?<\/p>\n

 <\/p>\n

Tamos faciendo un rid\u00edculu internacional al caltener a la llingua asturiana y al gallego-asturianu nuna situaci\u00f3n llamentable y fuera de los est\u00e1ndares nel tratamientu llegal de les lling\u00fces minorizaes nel \u00e1mbitu de les democracies europees.<\/p>\n

 <\/p>\n

Les mid\u00edes t\u00e1n eh\u00ed. Esti a\u00f1u pas\u00e1u entregamos a los grupos d\u2019esta camara una copia de la del Protocolu de Drechos Lling\u00fc\u00edsticos de Donostia, que marca les llinies de trabayu pa cumplir la Declaraci\u00f3n Universal de los Drechos Lling\u00fc\u00edsticos. Nun hai nada qu\u2019inventar, tenemos exemplos n\u2019Europa de lling\u00fces en situaciones asemeyaes a la del asturianu que supieron da-y un xiru al procesu de desaniciu de los sos idiomes, y volver a mirar al futuru con arguyu y esperanza.<\/p>\n

 <\/p>\n

Esta nun ye una llucha por imponer nada a naide, ye una llucha poles llibertaes y los drechos ciudadanos, una llucha por da-y futuru al elementu m\u00e1s importante de la nuesa identid\u00e1. Ye una llucha pa que neng\u00fan paisanu nin paisana sienta vergo\u00f1a nunca m\u00e1s por usar la so llingua propia fuera de casa, porque neng\u00fan ne\u00f1u nin ne\u00f1a dexe de falar la llingua que siente en casa porque na escuela-y dicen qu\u2019aquello ye falar mal, una llucha xusta y que demostr\u00f3 nestes cuatro d\u00e9cades postreres que tien un sofitu ciudadanu incansable y que cada vegada ye m\u00e1s mayoritariu.<\/p>\n

 <\/p>\n

Munchos de los problemes d\u2019Asturies tienen que ver cola falta d\u2019autoestima y esperanza. Poner en marcha procesos que recuperen l\u2019autoestima lling\u00fc\u00edstica de los asturianos pue convertise nuna ferramienta perimportante qu\u2019ayude a creenos que somos quien a camudar el rumbu y que seya una ferramienta de xuntanza.<\/p>\n

 <\/p>\n

La mayor partes mid\u00edes que toi acabante esponer, pueden faese y\u00e1, nel marcu llegal actual, nam\u00e1s con volunt\u00e1 pol\u00edtica. Pero nel marcu de la Constituci\u00f3n espa\u00f1ola, nam\u00e1s la oficialid\u00e1 pue garantizar los drechos de los falantes y la presencia p\u00fablica que requier una llingua minorizada pa tener una oportunid\u00e1 de futuru. Camiento que les conclusiones d\u2019esta comisi\u00f3n han dir pel cam\u00edn encamentar a la\u00a0Xunta\u00a0Xeneral\u00a0d\u2019Asturies un procesu de reforma del Estatutu d\u2019Autonom\u00eda nel que s\u2019inxera l\u2019estatus d\u2019oficialid\u00e1 pal asturianu.<\/p>\n

 <\/p>\n

Todas estas consideraci\u00f3is que te\u00f1o feitas hoi poden ferse tam\u00e9n da llingua del Navia-Eo, el gallego-asturiano, que ten de ter el mesmo tratamento llegal no Estatuto d\u2019Autonom\u00eda d\u2019Asturias, xa que \u00e9 tam\u00e9n ua llingua propia d\u2019Asturias y polo tanto ten que tratarse cua mesma dignid\u00e1 y con plena iguald\u00e1 xur\u00eddica.<\/p>\n

 <\/p>\n

El futuru del idioma ta nes vueses manes. Ustedes, representantes p\u00fablicos, han ser los que decidan si quieren pasar a la hestoria como los dirixentes que dexaron morrer una llingua europea con m\u00e1s de mil a\u00f1os, o les persones que fixeron tolos esfuercios posibles pa da-y futuru al idioma y reconocer los drechos de la ciudadan\u00eda. Nun esiste otru cam\u00edn que\u2019l de la oficialid\u00e1 y darr\u00e9u d\u2019ello, y tami\u00e9n enantes, que\u2019l de les pol\u00edtiques de normalizaci\u00f3n y promoci\u00f3n del idioma. La hestoria xulgar\u00e1los, nes sos manes queda la decisi\u00f3n, el leg\u00e1u que quieren dexar.<\/p>\n

 <\/p>\n

 <\/p>\n

Munches gracies. Muitas gracias.<\/p>\n

 <\/p>\n","protected":false},"excerpt":{"rendered":"

Comisi\u00f3n Especial d\u2019estudiu sobre\u2019l r\u00e9xime de protecci\u00f3n y promoci\u00f3n del asturianu y les sos distintes alternatives na\u00a0Xunta\u00a0Xeneral\u00a0d\u2019Asturies 10 de mayu de 2017 Inaciu Gal\u00e1n y Gonz\u00e1lez Presidente d\u2019Iniciativa pol Asturianu   Mui bonos d\u00edes. Estimaes y estimaos se\u00f1ores diputaos y diputaes miembros d\u2019esta Comisi\u00f3n especial d\u2019estudiu sobre\u2019l r\u00e9xime de protecci\u00f3n y promoci\u00f3n del asturianu.  Continue reading “Testu de la intervenci\u00f3n d’Iniciativa pol Asturianu na Comisi\u00f3n d’Estudiu sobre la protecci\u00f3n del asturianu na Xunta Xeneral”<\/span><\/a><\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":[],"categories":[70],"tags":[],"_links":{"self":[{"href":"https:\/\/inaciugalan.com\/wp-json\/wp\/v2\/posts\/2184"}],"collection":[{"href":"https:\/\/inaciugalan.com\/wp-json\/wp\/v2\/posts"}],"about":[{"href":"https:\/\/inaciugalan.com\/wp-json\/wp\/v2\/types\/post"}],"author":[{"embeddable":true,"href":"https:\/\/inaciugalan.com\/wp-json\/wp\/v2\/users\/1"}],"replies":[{"embeddable":true,"href":"https:\/\/inaciugalan.com\/wp-json\/wp\/v2\/comments?post=2184"}],"version-history":[{"count":0,"href":"https:\/\/inaciugalan.com\/wp-json\/wp\/v2\/posts\/2184\/revisions"}],"wp:attachment":[{"href":"https:\/\/inaciugalan.com\/wp-json\/wp\/v2\/media?parent=2184"}],"wp:term":[{"taxonomy":"category","embeddable":true,"href":"https:\/\/inaciugalan.com\/wp-json\/wp\/v2\/categories?post=2184"},{"taxonomy":"post_tag","embeddable":true,"href":"https:\/\/inaciugalan.com\/wp-json\/wp\/v2\/tags?post=2184"}],"curies":[{"name":"wp","href":"https:\/\/api.w.org\/{rel}","templated":true}]}}