{"id":3150,"date":"2023-12-09T17:32:40","date_gmt":"2023-12-09T16:32:40","guid":{"rendered":"https:\/\/inaciugalan.com\/?p=3150"},"modified":"2023-12-09T17:32:40","modified_gmt":"2023-12-09T16:32:40","slug":"pregon-de-la-folia-la-sidre-de-ribeseya-2023","status":"publish","type":"post","link":"https:\/\/inaciugalan.com\/pregon-de-la-folia-la-sidre-de-ribeseya-2023\/","title":{"rendered":"Preg\u00f3n de la Folia la Sidre de Ribeseya 2023"},"content":{"rendered":"\n

Inaciu Gal\u00e1n<\/em><\/strong><\/p>\n\n\n\n

Ribeseya, 6 d\u2019ochobre del 2023<\/p>\n\n\n\n

Mui bones nueches, quer\u00edos ribeseyanos, quer\u00edes ribeseyanes, xente d\u2019otros llugares d\u2019Asturies y del mundu que g\u00fcei tais equ\u00ed nesta Folixa la Sidre de Ribeseya:<\/p>\n\n\n\n

Ye pa min un honor ser pregoneru d\u2019estos d\u00edes folixeros tan guapos alredor de la nuesa sidre qu\u2019entamen dos entidaes que bien merecen la m\u00e1xima reconocencia pol so llabor pa cola cultura asturiana, Enta\u00edna Ribeseya y la Banda de Gaites de Ribeseya. Gracies al llabor de les persones que t\u00e1n detr\u00e1s d\u2019estes organizaciones tais pudiendo esfrutar de tr\u00e9s d\u00edes de m\u00fasica, baille, cultura y claro ta, sidre. <\/p>\n\n\n\n

Les comunidaes son comunidaes porque esisten persones que dan el so tiempu y les sos ganes pa facer eso, comunid\u00e1. Y les fiestes son una parte fundamental del exerciciu de facer comunid\u00e1, sobre manera cuando eses fiestes tienen que ver cola cultura del llugar. Y la cultura asturiana ta enllena de cultura sidrera. Tanto que sedr\u00eda dif\u00edcil entender gran parte de les nueses tradiciones y hasta\u2019l paisaxe ensin tener en cuenta a la sidra. <\/p>\n\n\n\n

Lle\u00eda estos d\u00edes un art\u00edculu sobre la vitalid\u00e1 de la sidre casero, que tien un papel fundamental nesti festival, y prest\u00f3me saber qu\u2019en Ribeseya sigue bien viva la tradici\u00f3n de mayar en casa. Y lo que ye meyor ent\u00e1, hai tresmisi\u00f3n interxeneracional de la tradici\u00f3n y la moced\u00e1 sigue la tradici\u00f3n empobin\u00e1ndola pal futuru.<\/p>\n\n\n\n

Yo que pa\u00f1aba mazana y mayaba con mio g\u00fcelu siento emoci\u00f3n al ver pingar un llagar y prebar la sidra\u2019l duernu, que tan poco s\u2019esplota y que creo que tendr\u00eda un llargu percorr\u00edu si consiguimos convertila nuna bebida pal d\u00eda a d\u00eda. <\/p>\n\n\n\n

Colos programes de Mundu Sidreru, en TPA, tuvi la suerte tami\u00e9n de percorrer la pr\u00e1ctica totalid\u00e1 de los llagares profesionales que trabayen g\u00fcei n\u2019Asturies y que faen de la sidra, y\u00e1 non solo tradici\u00f3n, sin\u00f3n tami\u00e9n industria caltenible, empl\u00e9u y riqueza que queda n\u2019Asturies y xenera una forma d\u2019entender l\u2019ociu y la gastronom\u00eda que mos fai destacar nel mundu pola nuesa forma de ser. Pudi ver en tolos llagareros y llagareres, productores de mazana, chigreros y chigreres, espertos y espertes, un mesmu esp\u00edritu que los xun\u00eda, el del amor y al fascinaci\u00f3n pola nuesa ancestral cultura sidrera asturiana.<\/p>\n\n\n\n

Ye en momentos como esti, nos que compartimos diversi\u00f3n y emociones alredor d\u2019una botella sidra, cuando mos decatamos de la importancia de caltener les nueses costumes y compartir la nuesa cultura ente n\u00f3s, pero tami\u00e9n col mundu. La importancia de conservala pal futuru, con tolo que sup\u00f3n, les formes tradicionales de producci\u00f3n, les festividaes aldredor d\u2019ella y  la llingua na que s\u2019espresa, l\u2019asturianu, que munches vegaes ye sustituyida por artificios llegaos sobre manera del mundu del vinu. Tenemos llagares y non bodegas, pa\u00f1amos la mazana, mayamos y met\u00f3moslo en toneles y pipes. Camudar la llingua na que s\u2019espresa la sidra ye tami\u00e9n perder una parte clave d\u2019esa cultura sidrera asturiana.<\/p>\n\n\n\n

Y por eso son tan importantes eventos como esti, que tienen eses coses clares. La Folixa la Sidre de Ribeseya ye muncho m\u00e1s que la celebraci\u00f3n d\u2019una b\u00e9bora; ye una celebraci\u00f3n de l’amist\u00e1 y de tola creaci\u00f3n cultural qu\u2019arrodia a la sidra dende\u2019l respetu a la tradici\u00f3n al idioma de la sidra y tami\u00e9n mirando hacia lanueva creaci\u00f3n. El cartelu musical, dende la tradici\u00f3n al rock, pasando peles bandes de gaites, ye de luxu. Pero como bona folixa popular que ye, esta ye tami\u00e9n una oportunid\u00e1 p\u2019axuntase con amigos y familiares, paconocer a vecinos nuevos y pa fortalecer los llazos que faen d’esta comunid\u00e1, de Ribeseya, un llugar tan especial.<\/p>\n\n\n\n

Pa una persona como yo, que trabaya nes cuestiones de la llingua asturiana, Ribeseya ye un espaciu bien importante y especial. D\u2019esti conceyu sali\u00f3 Enriqueta Gonz\u00e1lez-Rub\u00edn, la primer novelista n\u2019asturianu, all\u00e1 pel sieglu XIX. Munchos a\u00f1os la tuvieron na solombra y el tapecimientu, pero cada vegada ye m\u00e1s conocida la so obra. <\/p>\n\n\n\n

M\u00e1s cerca nel tiempu tenemos a escritores actuales como Xandru Martino o Milio Ureta. Y m\u00e1s llo\u00f1e nel tiempu… Mui cerca d\u2019equ\u00ed tami\u00e9n ta la Fonte del Cai, qu\u2019inspir\u00f3 con tantu aciertu al gran poeta Pin de Pr\u00eda, al que me prestar\u00eda recordar g\u00fcei con unos versos que dedic\u00f3 na so obra cume, \u201cNel y flor\u201d, a la sidra:<\/p>\n\n\n\n

[…]<\/p>\n\n\n\n

-Y tu, \u00bfqui\u00e9n yes, fermosa?<\/p>\n\n\n\n

-Pos \u00bfqui\u00e9n vo ser? \u00a1La flor!<\/p>\n\n\n\n

-C\u00fantami, besu arume,<\/p>\n\n\n\n

si has tate muncho ah\u00ed…<\/p>\n\n\n\n

-Non, \u00a1ai!, porque una harmana<\/p>\n\n\n\n

tien que matame a min.<\/p>\n\n\n\n

-\u00a1Una harmana!<\/p>\n\n\n\n

-El verdugu<\/p>\n\n\n\n

serati de la flor.<\/p>\n\n\n\n

-\u00bfCu\u00e1l podr\u00e1 ser, fermosa?—<\/p>\n\n\n\n

Diz la mazana:<\/p>\n\n\n\n

-\u00a1Yo!…<\/p>\n\n\n\n

Pero \u00a1ai de min!<\/p>\n\n\n\n

-\u00bfQu\u00e9 tienes<\/p>\n\n\n\n

Qu\u00e9 llores?<\/p>\n\n\n\n

-Vamos, mazana dolce.<\/p>\n\n\n\n

\u00bfPor qu\u00e9 has quexate as\u00ed?<\/p>\n\n\n\n

-Quito a la flor la vida,<\/p>\n\n\n\n

La vida perder\u00e9<\/p>\n\n\n\n

-\u00bfLa vida, mio tesoru,<\/p>\n\n\n\n

La vida tu temi\u00e9n?<\/p>\n\n\n\n

-Tami\u00e9n ham matame <\/p>\n\n\n\n

Igual que yo a la flor.<\/p>\n\n\n\n

-\u00bfQui\u00e9n ha de ser tan verdugu?—<\/p>\n\n\n\n

Y diz un llagar:<\/p>\n\n\n\n

-\u00a1Yo!<\/p>\n\n\n\n

Y el pomar llora\u2019l probe:<\/p>\n\n\n\n

-Agora que t\u2019oy\u00ed<\/p>\n\n\n\n

Cunto que tou\u2019l pueblu<\/p>\n\n\n\n

Me vien a maldicir…<\/p>\n\n\n\n

Y dende una barrica<\/p>\n\n\n\n

Que ta con torcipi\u00e9<\/p>\n\n\n\n

Sona una voz diciendo:<\/p>\n\n\n\n

-Non ximas, qu\u2019has de ver<\/p>\n\n\n\n

Munchos homes Echate<\/p>\n\n\n\n

Cad\u00fan so bendici\u00f3nn…<\/p>\n\n\n\n

-Qui\u00e9n fr\u00e1 isi milagru?<\/p>\n\n\n\n

Diz la sidre:<\/p>\n\n\n\n

\u00a1Yo, yo!<\/p>\n\n\n\n

[…] <\/p>\n\n\n\n

Bien guapo cunt\u00f3 Pin de Pr\u00eda esi procesu m\u00e1xicu que lleva a la mazana dende la flor y la Pumarada hasta\u2019l chigre y la botella. Un procesu que sigue vivu nes cases de Berbes, Collera, Llinares, Moru, Samiguel d\u2019Ucio, San Esteban, Santianes y Xuncu, les parroquies d\u2019esti conceyu guapu de Ribeseya que sigue conservando la nuesa cultura sidrera nes cases, a la manera m\u00e1s tradicional. <\/p>\n\n\n\n

G\u00fcei, cuando llevantemos les botelles y echemos unos culinos, vamos recordar que tamos celebrando la hestoria y la cultura de Ribeseya y d\u2019Asturies. Cada gota de sidra ye un tributu a los asturianos y asturianes que curien de les pumaraes, a los maestros llagareros que col so arte y conocencia saquen lo meyor de cada mayanza y a tolos que contribuyeron y contribuyen a caltener viva esta tradici\u00f3n esta cultura sidrera asturiana que m\u00e1s llueu que tarde va ser Patrimoniu Inmaterial de la Humanid\u00e1, pero que ye y\u00e1, dende va sieglos, patrimoniu de tolos asturianos y asturianes. <\/p>\n\n\n\n

\u00a1Puxa la Folixa la Sidre! \u00a1Puxa Ribeseya! \u00a1Puxa Asturies!<\/p>\n","protected":false},"excerpt":{"rendered":"

Inaciu Gal\u00e1n Ribeseya, 6 d\u2019ochobre del 2023 Mui bones nueches, quer\u00edos ribeseyanos, quer\u00edes ribeseyanes, xente d\u2019otros llugares d\u2019Asturies y del mundu que g\u00fcei tais equ\u00ed nesta Folixa la Sidre de Ribeseya: Ye pa min un honor ser pregoneru d\u2019estos d\u00edes folixeros tan guapos alredor de la nuesa sidre qu\u2019entamen dos entidaes que bien merecen laContinue reading “Preg\u00f3n de la Folia la Sidre de Ribeseya 2023”<\/span><\/a><\/p>\n","protected":false},"author":1,"featured_media":3151,"comment_status":"open","ping_status":"closed","sticky":false,"template":"","format":"standard","meta":[],"categories":[14],"tags":[],"_links":{"self":[{"href":"https:\/\/inaciugalan.com\/wp-json\/wp\/v2\/posts\/3150"}],"collection":[{"href":"https:\/\/inaciugalan.com\/wp-json\/wp\/v2\/posts"}],"about":[{"href":"https:\/\/inaciugalan.com\/wp-json\/wp\/v2\/types\/post"}],"author":[{"embeddable":true,"href":"https:\/\/inaciugalan.com\/wp-json\/wp\/v2\/users\/1"}],"replies":[{"embeddable":true,"href":"https:\/\/inaciugalan.com\/wp-json\/wp\/v2\/comments?post=3150"}],"version-history":[{"count":1,"href":"https:\/\/inaciugalan.com\/wp-json\/wp\/v2\/posts\/3150\/revisions"}],"predecessor-version":[{"id":3152,"href":"https:\/\/inaciugalan.com\/wp-json\/wp\/v2\/posts\/3150\/revisions\/3152"}],"wp:featuredmedia":[{"embeddable":true,"href":"https:\/\/inaciugalan.com\/wp-json\/wp\/v2\/media\/3151"}],"wp:attachment":[{"href":"https:\/\/inaciugalan.com\/wp-json\/wp\/v2\/media?parent=3150"}],"wp:term":[{"taxonomy":"category","embeddable":true,"href":"https:\/\/inaciugalan.com\/wp-json\/wp\/v2\/categories?post=3150"},{"taxonomy":"post_tag","embeddable":true,"href":"https:\/\/inaciugalan.com\/wp-json\/wp\/v2\/tags?post=3150"}],"curies":[{"name":"wp","href":"https:\/\/api.w.org\/{rel}","templated":true}]}}