Los que queremos vivir n’asturianu nun lo tenemos fácil. Les dificultaes son grandes en tolos ámbitos. Dende va tiempu y gracies a la xente de Softastur cuntamos con un espaciu nel que l’asturianu ye cada vegada más normal, la rede y el nuesu propiu ordenador.
Agora saquen una nueva versión del restolador Firefox, col qu’entrar nes tos páxines preferíes usando tolos comandos n’asturianu. Amás, dende va tiempu tienen una versión d’Ubuntu, equivalente a Windows, pero d’usu llibre, n’asturianu.
Anímovos a descargalu y usalu. Sorprendióme pa bien. Paezse muncho al restolador de Google, el más cómodu y rápidu col que trabayare hasta agora, pero creo qu’esti lu supera, con un diseñu tan prestosu y remanable como’l Chrome. Norabona a los sos tornadores por ufrinos esta oportunidá d’usar l’asturianu con normalidá.
Podéis descargalu equí:
Equí taremos espublizando trucos pa Firefox nes siguientes selmanes 🙂 ¡Mui prestosu l’artículu Inaciu! ¡Gracies! 😀