Acabo de publicar un trabayu na revista d’investigación Cartafueyos d’ensayu de N’ast, nel so númberu seis, nel qu’apaez xunto a otros de Xuan Porta Allende, David Gimeno i Ayuso, Xaviel Vilareyo, Xune Elipe y Javier Cubero.
L’artículu titúlase “Averamientu a la figura del escritor Antón Forascepi (1869-1947)” y nel faigo un repás pela vida y obra d’un marineru de Llastres (Colunga) con enclín pola lliteratura n’asturianu. La so obra ye satírica pero’l so compromisu col idioma amosábalu tamién na so vida profesional. Xunto a los sos hermanos tenía una fábrica de conserves y una de les sos marques yera “La Xoya”.
Ye un artículu pa min especial, porque Antón Forascepi (na semeya xunto al so fíu Daniel) yera familiar de mio, esactamente tíu-bisgüelu. Casó’l 23 d’abril de 1898 casa con Rosario Braña Rivero “la Rosario”, tía de mio güelu Poldo Galán Braña.
Parte del artículu pue vese nuna amuesa qu’ufre de baldre l’asociación, calcando equí
Aprovecho pa-y la norabona a Daniel Cueli, de l’Asociación Cultural N’Ast, pola edición d’esti númberu, primeru que dirixe de la revista, esperando que seyan munchos más los que vengan.
La revista inclúi amás:
-Xuan Porta Allende “La llingua asturiana, ente les llingües nacionales del Estáu español”
-David Gimeno i Ayuso – “Oficialitat?. No hi ha alternativa”
-Xaviel Vilareyo – “Vocabulariu asturianu na lliteratura de José María de Pereda”
-Pregón de la XIV Fiesta de la Oficialidá de la Llingua Asturiana. Bimenes 2010, Xune Elipe
-Javier Cubero de Vicente “L’Alianza Popular Revolucionaria Americana: Alderique ideolóxicu y práutica política”