Va dellos años un grupu de persones embarcámonos nel proyectu de l’Arribada, pa organizar un congresu lliterariu abiertu a la sociedá asturiana y a tolos sectores de la plural lliteratura asturiana. Nesto trés años punxi n’esta xera tol esfuerciu que pudi, convirtiéndose l’Arribada na mio principal ocupación cultural y algamando, dende’l mio puntu de vista, munchos de los oxetivos que mos marcáremos nun entamu.
Por ello y por tolo que me venceya sentimentalmente col proyectu y coles persones que formen parte d’él ye especialmente dura y triste la decisión que tomé estos díes dempués d’una fonda reflexón. Y ye qu’esta selmana presenté la mio dimisión como presidente y miembru de l’Asociación Cultural l’Arribada.
La razón de la mio dimisión nun ta encontada más que nunca causa, la decisión tomada pola mayoría de la organización de nun tomar nenguna midida disciplinaria, como pidí a los miembros de l’Asociación, énte la publicación del llibru “Desencantu” de Xosé María Vega “Chema Vega”, unu de los vocales de la directiva.
Esta decisión de nun condergar publicamente la publicación d’un miembru de la dirección de l’Asociación l’Arribada oblígame moralmente a dexar la organización poles causes que van darréu:
Nel llibru, espublizáu pola recién creada editorial “Nueva Celtia”, l’hestóricu asturianista, hasta onde yo conozo d’impecable curriculu cultural, profesional y políticu, espresa delles idees que nun puedo asumir y que me faen imposible la convivencia con él nuna organización: El racismu, la homofobia y la misoxinia qu’al mio paecer destilen munchos de los poemes d’esta obra páecenme motivos más que xustificaos pa que la organización repruebe estes declaraciones del autor. Al nun llegase a la fin a talu alcuerdu nun me queda otra, pa ser consuente coles mios idees democrátiques, qu’abandonar la mio participación na organización.
Y ye que nel llibru pueden lleese idees como les siguientes:
“Arios. Que guapo sería qu’una raza de guapos y de guapes, rubies de güeyos azules y cuerpos atléticos, nos sublimare. Que guapo sería qu’una raza de mentes pures, étiques, serenes y castes, nos llibraren de la fame, del odiu […] Y coles otres races un poco más escures, obtuses y malgoliente ¿qué facemos…?”
“¿Porqué nun diba dicilo? Préstame una Europa blanca, cuasi tresparente, racionalista y romántica al empar […] Diréisme qu’hai miseries inconfensables nel corazón d’esa Europa blanca. Pero yo quiérola asina ¿qué hai, qué hebo n’otros llugares prietos o mariellos?: ¿hutsis y hutus? ¿xudíos y moros?. ¡Qué grandes civilizaciones!. ¿Por qué nun diba dicilo? Préstame Europa, una Europa blanca.”
“Yo soi entá más racista que los negros de Harlem o que los moros”
“Nun me presta la piel prieto ¡qué voi facer!, a otros nun-yos presta lo morao o incluso lo verde. La canela peme bien nel arroz con llechi.”
“Yo soi blancu, raza blanca y sumiréme contigo cola murnia de la señaldá poles bones coses algamaes y un fondu desenfotu nes bondaes de la uniformidá del mestizaxe”
“Nun me presten los musulmanes, danme aquello, tan prietos, foscos, fanáticos, irracionales, la misoxinia mesma. Fálten-yos una o dos civilizaciones. Polo menos”
“Nun me presten les belleces morenes o prietes. Paécenme vulgares, amás hai abondo, cada vez más col puñeteru cuentu del mestizaxe”
“Mores: Nin putes nin sumises, pidís protección al Gobiernu francés de los vuestros propios machos. ¿Porqué nun pidís protección de vosotres mesmes?”
Nun hai detrás d’esti abandonu problema personal nengún, sinón diferencies de criteriu a la hora d’alministrar esti conflictu internu que min ye incompatible colos mios principios ideolóxicos y morales, de tolerancia y respetu pa con toles persones, independientmente de la so raza, relixón o identidá sexual.
Acato la decisión tomada pola Arribada, pero nun puedo sofitar, siendo fiel a los mios principios, que se permita que’l nuesu silenciu me faiga partícipe, nin siquiera por omisión, d’estes, pa min, terribles afirmaciones.
Nun quiero con esta carta perxudicar a la organización d’esti eventu nin a los demás responsables del proyectu. La rellación con toles persones de la organización de l’Arribada foi nestos años escelente y en munchos casos, más que de collaboradores, d’amigos. Pero camiento conveniente facer pública (igual que fici pública la mio entrada na organización), la mio dimisión y sobre manera, les causes que me lleven a tomar esta decición.
Gracies a les persones (amigos, collaboradores, familiares…) que nestos años m’echastéis un gabitu nes actividaes de l’Arribada. Ensin el vuesu apoyu nun fuere posible.
Inaciu Galán y González
inaciugalan@gmail.com
Si ye asina como dices, faes perbién. Ye más, paezme dalgo que t’honra como persona. Oxalá toos ficieren como tu, porque esti diba ser un mundu un poco meyor.
Salú, y gracies.
Lo mesmo que dixo l´anterior comentarista. Cuido que te honra estadecisión. Esta triba d´escritos ye una torga pergrande pa la defensa de lo asturiano, y da razones a los enemigos de la identidá ástur cuando interesosamente identifiquen nacionalismu-asturianismu con racismu. Ensin ver el llibru, colo que calcasti yá ye de sobra pa sintir voltura. Gracies por amosar comportamientu éticu nun País al que-y falta abondo d´ello.
Habrá que lleer eses tochaes en contestu. De cualquier manera, amigu Inaciu, alcuérdome d’una prestosa fábula aria (nada menos que de Soren Kierkagaard) que vien mui a cuentu: “Si detrás d’una muria ves unes oreyes de burru, y sientes qu’un burru ta relinchando, nun fai falta tirar la muria pa saber que detrás d’ella hai un burru”. Yá veo que-y visti les oreyes (al llobu).
¿Porqué abandono l’Arribada?. Escribamos con correición, por favor. Querrás decir ¿Por qué abondono l’Arribada? ¿Con esti entamu podemos fianos de la correición, llingüística y política, del restu l’artículu?. Veámoslo. Dices que l’asociación onde tabes, y onde dices que yeres presidente, acordó por mayoría nun tomar midida disciplinaria contra Chema Vega polo asoleyao nel so llibru de poemes “Desencantu”. ¿Ye eso verdá?. Habrá acta del aconceyamientu onde se decidiera eso porque si non… ¿de qué taríemos falando?. Y si eso ye verdá, ¿por qué se xustificaría un procesu inquisitorial contra unu de los asturianistes más veteranos? Según tu porque nel llibru “pueden lleese idees”. Non, home, non, nun llibru de poemes puen lleese versos. Y un poemariu que fala del desencantu nun ye un “ensayu sobre la superioridá de la raza aria y delles fobies incorreutes”. La diferencia ye perceptible hasta por un escolín d’ESO. Que Chema Vega mete la pata y diz unes cuantes burraes, sí, pero si quies podemos asoleyar les burraes de la mayor parte l’asturianismu. Díbemos reínos un cachu. Y oye, nun te tas colgando munches medalles na organización de l’Arribada. ¿Yes tu l’inventor del eventu? ¿yes tu el principal xestor del inventu? ¿yes tu l’únicu que trabayaba o había más persones que también trabayaben?. Polo que sé esa pluralidá ideolóxica que ye’l mayor llogru de l’Arribada ye obra d’otra persona de la organización, que sí sabe aconceyar a xente de cualisquier pensamientu. Con esto ¿tas preparando “bon rollu” con otra xente? . Si la causa ye’l to ego tovía tas a tiempu de mirátelo. Güei conseguiste los tos “cinco minutos de gloria”. Pero mañana ta ehí mesmo.
Jajajajajajaja
Yo peme que nesti casu hai un burru delantre la muria y otru detrás.
Yo fairía lo mesmo que Inaciu.
Nun podría presidir una asociación onde un vocal saca esta facistada y la direición nun lo quier condergar (cola pelligrosa asociación que se pue facer al tener esti responsabilidaes).
La defensa que fai xavier paezme fasta insultante. Esto nun ye una “metedura de pata” ye basoria inxustificable.
Meca, que ye que ser un “históricu” ye patente de corso pa dicir lo que se quiera penriba del bien y del mal?
¿Escribir un artículu ye entamar un procesu inquisitorial?
A mi paezme valiente la decisión d’Inaciu y más que “cinco minutos de gloria” lo que debe tar pasando ye un mui mal ratu.
enteréme y lo que diz Galán de los otros miembros d’Arribada ye falso. Ye más, hai blogues onde se ta pidiendo aiciones violentes contra Chema Vega, y esto YE DELITU. Si a algún llocu-y da por atentar contra Vega solo hai un responsable, Galán. Esto ye facismu.
Los únicos culpables en casu de una agresión a Chema Vega, son los que lu agredan y los que por mirar pa otru lau lo permitan. Nunca el que está en desacuerdo con él y actúa en consecuencia. ¡Bravo Inaciu!
L’actuación d’Inaciu impecable, como traten d’enmierdar dalgunos, en fin. La verdá ye fácil de saber, lleendo’l llibru famosu…
Nun sé muncho del llibru esi, pero si son opiniones personales de Chema Vega, toi dafechu d’acuerdu contigo Inaciu.
Apóyote na to decisión de dimisión y paezme una actitú mui coherente y p’almirar. Saludos
Bien fechu Ignaciu, la verdá ye que me parez qu’esti Chema ye de lo más troglodita. Abría-y que lu aisllar socialmete. Lo que me fai muncha gracia ye eso de “rubies de güeyos azules y cuerpos atléticos, nos sublimare”. ¿Atléticu él? Si parez un tocín con pates. Anda oh¡
Ánimu Ignaciu¡
Yo díxite yá que les coses hai que les ver en contestu… Pero si eso son poemes y nun son pensamientos d’un personaxe paezme que fixisti bien. El problema nun ye lo que fai Inaciu o non, el problema ye por qué’l restu de la direición de l’arribada nun fexo lo mesmo…
Nun hai que solmenar a naide, nin siquier a un nazi…
Agora apunto una idega… Igual l’aquello de ser históricu denota senectú (pal correutor especializáu: senectú: cualidá de senil). Toi con Inaciu nesto
Aluciflipo… supongo que’l chema vega tará partiendose’l culu de risa al ver cómo la so prevocacion fai efeutu.
Reitero, amigu Inaciu, la fábula de Kierkagaard, pero con una precisionina: mira a ver si detrás de la muria, en cuenta d’un burru, nun hai dos o tres. Ye probable. Yes nuevu y tiempu tienes pa rite. (Cuanto antes empieces, más te vas a rir de los que llamen “históricos”, en realidá autollámense, a impresentables que tienen un cuerpu de 50 años y una mentalidá de trece.
A mi paezme que los que vos esprecetáis tanto por esta historia cayéis en toles miseries y tolos prexuicios del “pensamientu progre” (anque yá sé que “pensamientu” y “progre” ye una contradictio in terminis). Si les mazcayaes que diz Chema Vega tán nun poemariu, la reacción de protestar, condenar y pidir reprobación YE UNA IMBECILIDÁ. Les poesíes nun son esposiciones de tesis polítiques o filosófiques. La lliteratura ye, por definición, ficción con palabres. Si yo escribo una novela sobre un asesín de neñes y trato de manera simpática, digna o comprensiva al personaxe central, ESO NUN ME FAI CÓMPLIZ D’ASESINATU NIN APOLOXETA DEL CRIME. A ver si espabilamos, ho. La reacción progre ye siempre igual: tar en contra de tolo que se salga de lo políticamente correcto, y a poder ser argumentar lo mínimo: solamente cola connotación condenatoria de cuatro palabres maldites o con cuatro frases sacaes de contestu.
El poemariu será una mierda, pero la crítica que-y facéis los progres ye entovía pior: ye una mierda y una pena.
A ver Joselín, escribir una novela sobre nazis o xenófobos o con personaxes talos claro que nun te fai cómpliz, faltaría más. Pero escribir poesía con esos pasaxes RACISTES Y XENÓFOBOS SÍ TE FAI CÓMPLIZ! porque una poesía SÍ YE UNA MANERA D’AMOSAR LES TOS IDEES. O crees que cuando Cernuda escribía eso de “Si l’home pudiere decir lo qu’ama…” nun taba amosando los sos mieos y sensibilidaes?? Cuando Benedetti escribía tantos versos d’implicación política escontra les dictadures, crees que nun yeren suyes eses idees??? Una poesía ye muncho más qu’una novela, nella tresmítesen les idees más íntimes d’una persona. Tas tracamundiando novela-ficción con poesía tu sabrás por qué lo faes. La poesía nun ye ficción, a ver si te queda claro.
Y yo nun voi de progre nin de nada. El que va de lo que nun ye yes tu, querer defender lo indefendible. Tu debiste faltar a clas cuando esplicaben qué yera la poesía, non?? Anda, ve a contá-y el cuentu a otru, qu’equí nun cuela.
A ver Joselín, escribir una novela sobre nazis o xenófobos o con personaxes talos claro que nun te fai cómpliz, faltaría más. Pero escribir poesía con esos pasaxes RACISTES Y XENÓFOBOS SÍ TE FAI CÓMPLIZ! porque una poesía SÍ YE UNA MANERA D’AMOSAR LES TOS IDEES. O crees que cuando Cernuda escribía eso de “Si l’home pudiere decir lo qu’ama…” nun taba amosando los sos mieos y sensibilidaes?? Cuando Benedetti escribía tantos versos d’implicación política escontra les dictadures, crees que nun yeren suyes eses idees? Una poesía ye muncho más qu’una novela, nella tresmítesen les idees más íntimes d’una persona. Tas tracamundiando novela-ficción con poesía tu sabrás por qué lo faes. La poesía nun ye ficción, a ver si te queda claro.
Y yo nun voi de progre nin de nada. El que va de lo que nun ye yes tu, querer defender lo indefendible. Tu debiste faltar a clas cuando esplicaben qué yera la poesía, non?? Anda, ve a contá-y el cuentu a otru, qu’equí nun cuela.
lo que ta claro ye que la xente de l’arribada nun conderga eses barrabasaes de Vega. Bien fechu Galán!
Toño, les úniques responsabilidaes (supongo que fales de les xurídiques) seríen en tou casu del señor Inaciu Galán por difamar al restu la xente d’Arribada y atentar contra’l so honor.
Nel llibru Chema Vega nun hai nada punible llegalmente. Dízlo un xurista, non un rapazucu que nun sabe nin per onde anda.
“Maladigo la poesía concevida como un lujo cultural por los neutrales,
Que lavándose las manos se desentienden y evaden,
Maldigo la poesía de quien no toma partido, partido hasta mancharse”
…concebida…
“No sé si se nace Santo,
pero sí se nace negro.
¿Podrá un negro hacerse Santo
o un Santo volverse negro?
No sé si se nace malo,
pero sí se nace negro.
¿Podrá un negro hacerse malo
o un malo volverse negro?”
Esti ye un poema del escritor uruguayu José Carrizo. ¿Tien l’autor duldes racístes?
Y la fin del poema:
“Hay muchos que nacen negros,
pero más que nacen blancos.
¿Cuál de todos es el Santo:
el negro malo o el blanco?”.
Durruti asaltó bancos, en España y Argentina. Durruti lideró el anarquismo catalán. Durruti fue asesinado de un tiro por la espalda desde sus filas. Durruti tenía un hermano que se pasó a las filas de franco, maquinista o trabajador de talleres ferroviarios en león, y con el proposito de defender a los trabajadores pues conocía a “los suyos”. Franco también le conocía y le fusiló por poner en peligro la falange. Chema-Durruti, digo yo, no estarías mejor con los catalanistas que son más disciplinados, o con los españolistas, que al menos estos te pueden entender? El hombre que susurraba a las vacas y a las terneras más queridas del mundo solo lo puede susurrar en asturiano. Bable y política, ya ves, anarquía y entropía.
Hi! I read your post about “Porqué abandono l’Arribada ” and found it really interesting.