Movistar fala quechua pero nun fala n’asturianu

Restolando pela rede atopé esti vidiu promocional de Movistar en quechua, fechu pal Perú y que demuestra l’esmolecimientu d’esta compañía por dar serviciu na so llingua a los peruanos. Sicasí, n’Asturies, esta compañía sigue ensin dar serviciu n’asturianu.

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

5 atopaos en “Movistar fala quechua pero nun fala n’asturianu

  1. Un poco tendenciu esi titular, non? Ye menos el quechua que l’asturianu como pa construyir una frase asina? Meyor decir: Movistar usa milenta llingües minoritaries pero non l’asturianu.
    El grandionismu que teneis los de dereches ye asina…

  2. Mui bones Unu: Nun quixi dicir que fuera menos el quechua que l’asturianu, por supuestu nun hai llingües meyores nin peores. Lo que pasa que Teléfonica lleva munches décades n’Asturies y munches menos nel Perú, pero ellí diose más priesa por usar la llingua propia qu’equí, onde polo que se ve, nun tienen pensao usala, salvo nes cabines, onde si apaez dalguna cosa n’asturianu.
    Nun creo que peque de grandonismu porque querer pa la mio llingua lo mesmo que-y dan a cualesquier otra.
    Munches gracies pola to intervención.

  3. ¿”los de dereches”? xD
    esi comentariu tien un nome “prexuiciu”

  4. Inaciu,
    les multinacionales como Telefónica namás entienden de perres y ganar más perres. Si nun tienes esi conceptu claru tolo demás ye plantiar argumentos pueriles. Nesa economía de mercáu que tanto te presta namás val lo que vende.
    Si Movistar fai un anunciu en quechua, lo primero qu’has entender ye que ye porque los sos estudios de mercáu lleváronlos a tener claro qu’eso va reportá-yos una ganancia granible. Equí naide regala nada.
    N’Asturies desgraciadamente nin-yos interesa económicamente nin seguramente políticamente, pero nun has escaecer -sé que lo persabes mui bien- que les perres mueven el mundu y, quitando a ultres peligrosos como UPyD, que de veres tan por dexar pasar el puestín a cambiu de terminar cola uniformización española, nun hai políticu PPSOEIUeRU que nun se venda por una ganancia. Y si tienen que dicir que falen asturianu na intimidá diránlo.
    Agora bien, nesti casu la crítica paezme como dicíen enriba tendenciosa. ¿Qué tien de malo que Movistar lo faiga pal quechua? A mi paezme mui bien. ¿Imposibilita que lo faigan en quechua pa que se faiga n’asturianu? Non.
    Plantiar les custiones con más procuru ye mui importante, porque sinón paecen lo qu’espero que nun quieran ser.
    Y como nun tengo blog al que poner link despídome col mio nome.
    Lino.

  5. ¿ahora resulta que ye de dereches criticar a una multinacional?. Los izquierdosos teneisme ablucau.
    Bien por inaciu, sigue asina.
    Xavier

Dexar un comentariu

La to cuenta de corréu nun va espublizase.