Una mirada propia
Dende 2017 y col equipu de grandes profesionales de Cuatro Gotes Producciones col que tengo la suerte de trabayar, dirixí dellos documentales nos que pudi conocer a persones y partes de la hestoria que m’apasionen. Esta ye una escoyeta de dalgunos d’ellos.
01
No se dice «ye», se dice «es». Represión llingüística na Asturies franquista
Amuesa’l testimoniu vivu de la represión llingüística exercida na Asturies del Franquismu dientro del sistema educativu, analizando los resortes emplegaos, asina como’l contestu hestóricu que llevó a eses acciones, les sos causes y, sobre manera, les consecuencies xeneraes na sociedá asturiana al traviés de los propios testimonios d’asturfalantes represaliaos.
02
Pruebes d’autor. Les siete vides de Nel Amaro
La vida y la bayurosa actividá creadora del escritor y artista Nel Amaro cola mira de reivindicar la figura humana y artística del escritor de Mieres. Foi realizáu como obra conmemorativa de la 42 Selmana de les Lletres, dedicada al autor.
03
El valir económicu d’una llingua
Esti audiovisual presenta al asturianu como un elementu de dinamización nel mundu empresarial y conviértese d’esta forma nuna manera de xenerar empreses, empléu y, polo tanto, riqueza.
04
La vida ensin oficialidá. Les consecuencies de la falta de drechos llingüísticos n’Asturies
Testimonios de distintes persones qu’amuesen como a lo llargo de la vida d’una persona, dende la nacencia a la muerte, pasando pel ámbitu escolar y profesional, l’usu del asturianu conviértese nun problema pola falta d’oficialidá.
05
Elles, muyeres na lliteratura asturiana
Un percorríu pela hestoria y el territoriu d’Asturies, dando a conocer la situación y la evolución de la presencia de la muyer na lliteratura asturiana. Dende’l sieglu XVIII, del que mos lleguen les primeres con nome conocíu, hasta güei, mesmo de les escritores n’asturianu que de les que lo faen o lo fixeron en gallego-asturianu.
Un espaciu divulgativu pensáu pa dar a conocer a les muyeres escritores n’asturianu y gallego-asturianu visita los llugares nos que vivieron y crearon estes escritores, recreando les vides de dalgunes d’elles con actrices que dramaticen les sos vivencies.
06
Escribiendo’l camín. 30 años de xuntes d’escritores asturianos
Un percorríu pelos 30 años de xuntes d’escritores, nes que la lliteratura asturiana foi espoxigando y axuntando autores y xéneros nuevos pa ponese al altor d’otres lliteratures europees.
07
Muyer nel mundu rural
Un percorríu pela vida y les vivencies de delles muyeres rurales con dedicaciones de tou tipu nel conceyu de Siero.
08
Lourdes Álvarez. Premiu Nacional de Lliteratura Asturiana
Un retratu lliterariu y personal de la escritora Lourdes Álvarez, na voz de poetes y estudiosos de la lliteratura asturiana.
2022
Xeneración Formientu
Bien llueu.