Asoleyaes les actes del XXIV Congrés Internacional d’ICOS sobre Ciències Onomàstiques (Barcelona, 2011)

Captura de pantalla 2014-08-12 a la(s) 11.50.15Yá tán asoleyaes les actes del XXIV Congrés Internacional d’ICOS sobre Ciències Onomàstiques nel que participé nel añu 2011, en Barcelona. El llibru, asoleyáu en formatu dixital dientro de la Biblioteca Tècnica de Política Lingüística; 11 pola Generalitat de Catalunya, la Universitat de Barcelona y l’International Council of Onomastic Sciencies (ICOS), inclúi la mio ponencia, lleida nesti actu en catalán, “El procés d’oficialització de la toponímia asturiana (1974-2010)”.

Pue descargase completa nesti enllaz, onde hai un buscador d’ente les más de 300 ponencies del congresu, o direutamente equí.

Xunto a la mía, hai delles ponencies más del ámbitu llingüísticu asturianu, una d’Ana Cano, presidenta de l’Academia de la Llingua Asturiana, titulada “La antroponimia asturiana y el proceso de castellanización”, otra de José Luís Ramírez Sádaba alredor de los “Topónimos característicos del Valle del Nansa y de Peñarrubia”, la d’Héctor García Gil “Exonimia en asturiano: el nombre de los países” y n’últimu llugar la firmada por M. Antonia Pedregal Montes, naquel momentu al cargu del Serviciu de Normalización del Gobiernu d’Asturies, “El proceso de oficialización toponímica en el Principado de Asturias”.

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

Dexar un comentariu

La to cuenta de corréu nun va espublizase.