La entrega de premios del VIII Concursu de micro-rellatos n’asturianu “L’Horru del Carbayedo” va celebrase esti llunes 25 d’agostu, xunto cola llectura de los cuentos premiaos. Fadráse nel Salón de l’A. VV. El Hórreo (Cai Dr. Marañón, 16, baxu – Avilés), alredor de les 19:30 hores, (n’acabando la obra “De filandón”, qu’entama a les 18 h. nel mesmu llugar, pol grupu de teatru asturianu “Garapiellu”)
Tolos rellatos, premiaos y non premiaos presentaránse al públicu nuna esposición al aire llibre nel parque’l Carbayedo (Fiestes de San Roque, del 21 al 25 d’Agostu).
El xuráu tuvo formáu por MIGUEL SOLIS SANTOS (biólogu, dibuxante, escritor y miembru de l’Academia de la Llingua Asturiana), Dª ARÁNZAZU PRADO GARCÍA-JOVE (escritora, especialista en llingua asturiana y responsable del Serviciu de Normalización del Cabu Peñes) y D. HUGO CORTINA FANJUL (filólogu, especialista en llingua asturiana y responsable del Serviciu de Normalización del Conceyu de Samartín), actuando como secretaria con voz, pero ensin votu Dª Montserrat Machicado Compañy (filóloga, especialista en llingua asturiana, especialista en xestión cultural y responsable de la Estaya de la Llingua d’Avilés), alcordó axudicar los premios relacionaos d’arréu:
– Primer Premiu (400 € y troféu): “8:43” d’Inaciu Galán
– Segundu Premiu (200 € y placa): “Soledá de luxe” de Luis Manuel Suárez Fernández
(Información del premiu, de la Uiquipedia)
Los Premios L’Horru del Carbayedo de Microrrellatu N’Asturianu, convóquense con motivu de les Fiestes de San Roque n’Avilés, al envís d’alitar la creación lliteraria nesti idioma.
Tán organizaos pola Asociación de Vecinos El Hórreo del Carbayedo, en collaboración cola Estaya de Normalización llingüística del Conceyu d’Avilés.
Ganadores
Nos años primeros del concursu, esistía namái un ganador y dellos finalistes. Dende l’añu 2011, consiste nun primer y segundu premiu:
- 2007 Rubén d’Areñes por La Siya de Delfina [1]
- 2008 Elma Sánchez Vega por La última voluntá [2]
- 2009 Constante Álvarez por Cunta una llienda [3]
- 2010 Yose Álvarez-Mesa El médicu [4]
- 2011 1er premiu: Pablo Rodríguez Medina por Pol amor d’una muyer | 2u premiu: Vítor Suárez por Vaya peles ánimes [5]
- 2012 1er premiu: Laura Marcos Domínguez por Cleo en Cerbere| 2u premiu: Marisa López Diz por Montenegro [6]
- 2013 1er premiu: Ánxel Álvarez Llano por Colección | 2u premiu: Yose Álvarez-Mesa por El mayordomu [7]
- 2014 1er premiu: Inaciu Galán y González por 8:43 | 2u premiu: Luis Manuel Suárez Fernández por Soledá de luxe [8]