Llunes 18 de payares: Estrenu de Bernabé nel FICXixón 2013

5549_119889274888046_39307649_nLa Llaboral de Xixón va acoyer esti llunes 18 de payares a les 20:15 hores un fechu hestóricu, la proyección nel Festival Internacional de Cine de Xixón del primer llargumetraxe rodáu n’asturianu, “Bernabé” una película que se rodó ensin nengún tiù d’ayuda pública y que ta dirixida por Pablo Casanueva y protagonizada por Fernando Martínez.

Nesta película tengo l’honor de collaborar con esti talentosu rapaz con un pequeñu papel como guardia civil. Esti llunes podréis velo y amás de baldre, porque la entrada ye llibre.

La película cunta la hestoria de Bernabé Ruenes  Santoveña “fugáu” dempués d’una engarradiella nel serviciu militar que lu condergó primero a cadena perpetua y dempués a 30 años de cárcel, faciendo d’elli un mitu cuando s’echó al monte pa fuxir de la prisión. L’alcordanza d’esti home ta tovía nel recuerdu de la xente vieyo asturiano.

Ficha de la película na páxina web del FICXixón

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

Dexar un comentariu

La to cuenta de corréu nun va espublizase.