Noticia: SALEN A LA VENTA LES ENTRAES DEL II CERTAME DE MONÓLOGU MODERNU, ochobre 2006

Nota de prensa segundu Certame de Monólogu Modernu, 28 ochobre 2006.
——————————————————————–

Xixón, 12 d’ochobre de 2006
Estimaos amigos:

El próximu día sábadu 28 d’ochobre va celebrase na Sala Albéniz de Xixón, el Segundu Certame de Monólogu Modernu n’Asturianu organizáu pola asociación H.A XAREOS. El nuesu oxetivu, faciendo una segunda edición ye’l de siguir trabayando pa que’l monólogu asturianu siga siendo un referente na vida cultural de los asturianos y lo siga siendo n’asturianu, con unes formes y una temática renovaes.

El Segundu Certame de Monólogu Modernu n’Asturianu organizáu va tener como maestru de ceremonies a Inaciu Galán y González, y dientro del so programa, l’actuación de los monologuistes Cellero, Lluis Antón González, Benxa Pérez y l’estrenu de Delitu Rural y otros alumnos de la escuela Cellero.

Na organización collaboren la empresa asturiana de publicidá y gráfiques PUBLIGRAFIK, LES NOTICIES, ASTURNEWS.COM y TLG y les entraes puen atopase en: Llibrería Central (Xixón), Llibrería Zifar (Xixón), Merca Musical Mento (Xixón), Llibrería Alborá (Xixón), Café Trisquel (Xixón), El Barucu (Xixón), Llibrería Paradiso (Xixón), Llibrería Ítaca (Xixón), Piraña Family Discos (Xixón), Llibrería Paraxuga (Uviéu), Chigre Posafuelles (Uviéu), y llamando al teléfonu

Amás esti añu, el Certame de Monólogu Modernu ta integráu dientro de los actos de l’ARRIBADA 2006 y van poder mercase les entraes nel puestu de l’asociación instaláu nel Antiguu Institutu de Xixón por mor d’estos actos na selmana del 23 al 28 d’ochobre.

Les entraes tienen un preciu de 6 € nos puntos de venta y van poder mercase a 8 € nel momentu d’entrar al Certame.

¡ESPERAMOS VEVOS ELLí Y QUE VOS PRESTE L’ACTU!

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

Dexar un comentariu

La to cuenta de corréu nun va espublizase.