La figura de Pin de Pría protagonizó la última xornada sobre republicanismu federal

Esti miércoles 23, el periodista Inaciu Galán participó con una comunicación sobre l’escritor Pin de Pría nes xornaes sobre republicanismu federal entamaes pola asociación N’ast y la Sociedá Cultural Xixonesa na sede d’esta última institución. La charra centróse nun primer momentu en dar a conocer la vida y obra del que ye ún de los autores clásicos más reconocíos de les lletres asturianes. Darréu Galán estudió la influencia que pudo tener la so militancia política como republicanu federal na decisión de convertise n’escritor n’asturianu, qu’en pallabres del propiu Pin asocedió lleendo un artículu d’un reconocíu federalista.

Continue reading «La figura de Pin de Pría protagonizó la última xornada sobre republicanismu federal»

Pin de Pria, un escritor federal na lliteratura asturiana

Esti miércoles 23 de mayu, participo con una comunicación nes xornaes sobre republicanismu federal entamaes pola asociación N’ast y la Sociedá Cultural Xixonesa na sede d’esta última institución. Voi dar una pequeña charra titulada “Pin de Pria, un escritor federal na lliteratura asturiana”, de magar les ocho la tarde. La sede de la Sociedá Cultural Xixonesa ta asitiada na cai Balmonte Miranda, 4, entlu. Dcha, en Xixón. ¡Vémonos ellí!

Participación nel Festival Pallabra nel Mundu

Castrillón celebra estos díes el VI Festival Internacional de Poesía, Pallabra nel Mundu. Los díes 11 y 12 de mayu, nel Valey Centru Cultural de Castrillón, van xuntase poetes de distintes procedencies pa celebrar un recital nel que va poder sentise al asturianu, el castellán y otres llingües.

Va dellos meses mandé los mios poemes a mou de candidatura pa participar y escoyéronme xunto a otros munchos poetes pa tar esti sábadu nel rectial, onde voi lleer «Onde nun tuvi» y «Echo tanto de menos dormir contigo».

L’actu va celebrase a les seis de la tarde nel Valey de Piedrasblancas. Mientres el recital va haber actuaciones musicales.

Nel recital, “Poetes nel mundu”, inauguráu pola alcaldesa de Castrillón, Ángela Vallina de la Noval, y la Conceyala d’Educación y Cultura, Mª Esther García López, y presentáu pol escritor y periodista Manolo Abad, voi participar xunto a Xuanxo Ashraf Bardibia Garcçelya, María Avello Martínez, Raúl Campoy Guillén, José María Castrillón, Víctor Corcoba Herrero, Daniel de Culla, Juan José Domínguez Piris, David Fueyo Fernández, Laura García Calvo, Esther García López, Virginia Gil Torrijos, Iris Girón Riveros, Luis Pablo Gómez Vidales, Xosé Anxelu Gutiérrez Morán, Marisa López Diz, Esperanza Medina, Natalia Menéndez Rodríguez,Cristian Mínguez, Ana Amélia Passos Dos Santos, Teodoro Revilla Bravo, Carlos Rubio Rivera, Ivonne Sánchez Barea, Sonia Segarra, Myriam Solar y Nieves Viesca, acompañaos pol cuartetu Nicandair, del Conservatoriu «Julián Orbón» d’Avilés.

Mesa redonda sobre’l futuru del asturianu na Universidá

El llunes 14 de mayu, a les seis de la tarde, na Facultá de Formación del Profesoráu y Educación de la Universidá d’Uviéu, el Conseyu d’Estudiantes de la Universidá d’Uviéu axunta nuna mesa redonda titulada «Llingua asturiana na Universidá d’Uviéu: ¿Y agora, qué?», na que va participar Inaciu Galán, presidente d’Iniciativa pol Asturianu, xunto a representantes d’otres organizaciones. Na mesa va reflexonase sobre la situación presente del idioma na institución académica -tanto del puntu de vista del so usu como del so estudiu-, arriendes de les posibilidaes y estraxes futures nel camín pa la so normalización.  Continue reading «Mesa redonda sobre’l futuru del asturianu na Universidá»

Asturtoons publica «Nel, el coríu que nun sabía nalar»

LES NOTICIES. REDACCIÓN. UVIÉU – 08/05/2012 A LES 10:34:02                                             Yá tá la venta’l primer llibru d’Inaciu Galán pensáu pal públicu infantil: Nel, el coríu que nun sabía nalar. Ye la primer creación d’esti autor pa la reciella. Na historia vamos conocer al coríu Nel, un personaxe mui especial que va tener que superar dalgunos mieos pa poder vivir con normalidá nel fontán, colos demás compañeros.

El llibru tien 24 páxines, ente les qu’hai dos d’exercicios. Ta ilustráu a tou color con dibuxos d’Enrique Carballeira. Ye una novedá más de la editorial Asturtoons, una empresa especializada en cómic, audiovisuales y animación.

Manifiestu contra la desapaición del asturianu nos Premios de la Crítica 2012

Los Premios de la Crítica d’Asturies, qu’entama cada añu dende hai más d’una década l’Asociación d’Escritores d’Asturies, nun contemplen na edición d’anguaño les obres n’asturianu. La decisión d’esta organización xustificada en Les Noticies “pol presupuestu axustáu” col cunten esti añu, nun pueden entedese cuando los premios nun tienen dotación económica. Un grupu d’escritores y xente del mundu de la cultura, y en xeneral, de la sociedá asturiana, firmamos un manifiestu en contra pidiendo que se cambien estes bases: Manifiestu y llistáu de firmantes

Sobre la situación del asturianu nes escueles

Darréu reproduzo l’artículu asoleyáu na versión en papel de La Nueva España nel que dende Iniciativa pol Asturianu contestatmos a una carta asoleyada nel mesmu periódicu, aclarando cuestiones alredor de la situación del asturianu nel enseñu. 

Una carta asoleyada estos díes en LA NUEVA ESPAÑA y titulada «El asturiano contra los asturianos» incluyía delles afirmaciones falses, y creemos que feches col únicu oxetivu de perxudicar la imaxe del nuesu idioma ente los asturianos. Nun podemos quedar ensin contestar a estes falsedaes. Amás, sírvenos d’escusa pa emitir una opinión sobre la situación del enseñu del asturianu nes escueles y nos institutos.

Na carta afirmábase qu’a los alumnos que nun estudien asturianu se-yos obliga a “nun facer nada”, cuando en realidá tienen hores d’estudiu. De toes formes, coincidimos en qu’esta situación ye absurda, tolos alumnos tendríen d’asistir a les clases d’asturianu, como toos asisten a matematiques o ciencies, independientemente de les sos creencies o gustos.

Continue reading «Sobre la situación del asturianu nes escueles»