Participación nes XXX Xornaes Internacionales d’Estudiu

L’Academia de la Llingua Asturiana celebra la edición XXX de les sos Xornaes Internacionales d’Estudiu, qu’esti añu van centrase na organización d’un Conceyu Internacional de Toponimia y Antroponimia Asturiana, ente los díes 8 y 10 de payares. El llugar escoyíu, la Facultá de Filosofía y Lletres de la Universidá d’Uviéu.

El martes 9 de payares participaré, de magar les 18:30 hores, xunto Próspero Morán con una comunicación titulada “La toponimia asturiana nos medios de comunicación: situación y perspeutives”, na que yo voi centrame nel estudiu del tratamientu que faen los medios estatales escritos con respectu a la toponimia non castellana.

Equí podéis consultar el programa completu de les Xornaes.

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

Dexar un comentariu

La to cuenta de corréu nun va espublizase.