Conceyu Internacional sobro Ciencies Onomástiques

Va meses el Comité Ciéntificu del XXVI Conceyu Internacional d’ICOS sobro Ciencies Onomástiques aceptaba la que va ser la mio primer comunicación nun congresu d’estes característiques. La comunicación, en catalán por decisión propia (podía facese n’otres llingües oficiales del congresu), va titulase “El procés d’oficialització de la toponímia asturiana (1974-2010)”.

Espero facer una digna representación, lo que van poneme mui difícil otros participantes internacionales, y los asturianos con filólogos de prestixu como Xulio Viejo, X.L. García Arias, Ana Cano, Héctor García Gil o María Antonia Pedregal. Agradezo toles aportaciones bibliográfiques o de cualesquier tipu a la cuestión. Voi redactando pasín ente pasu. La cita, na Universidá de Barcelona, el próximu 9 de setiembre, a les 10 y media la mañana na sala de la Secció 11 del Congresu.

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

2 atopaos en “Conceyu Internacional sobro Ciencies Onomástiques

  1. Tant de bo tots els Ciudadanos-Colonos i els imPopulares de Catalunya parlessin el català com ho estàs fent tu ara en aquest congrés. Estic gaudint esconltant-te (sóc el de l’ordinador que escriu mentre t’escolta).
    Lluís de Yzaguirre

Dexar un comentariu

La to cuenta de corréu nun va espublizase.