Esti xueves, 1 de marzu, presentóse na Xunta d’Escritores Asturianos 2012, n’Uviéu, el llibru d’actes coles conferencies de la Xunta anterior, celebrada na mesma ciudá en xineru de 2010. Nel llibru, asoleyáu por Espublizastur, apaez un trabayu de mio: El periodismu nuna llingua minorizada: reflexones sobre’l casu asturianu.
Amás, prestaríame encamentavos dalgunos de los artículos, el dedicáu por Javier Cubero a “Llingües, clases y nacionalismos”, “El fuelgu del pueblu”, d’Ánxel Nava y “Nel centenariu del arquitectu asturianu Miguel de la Guardia”, de Xaviel Vilareyo.