Les 10 meyores noticies del añu pa la llingua asturiana

El llunes nel programa La Radio es Mia de RPA comentaré les que consideréis les 3 meyores noticies pal asturianu en 2013. Yo propongo estes 10 noticies pa que votéis (nun tán ordenaes, y pueden añadise otres que consideréis)

10 noticies positives pal asturianu en 2013

1. Publicación y ésitu de ventes de les nueves aventures d’Asterix n’asturianu.

2. El 90% de los equipos directivos d’institutos y escueles asturianos softien una mayor presencia del asturianu nos centros.

3. Estrenóse “Bernabé”, el primer llargumetraxe rodáu n’asturianu.

4. L’asturianu llega al Congresu los Diputaos y consigue’l sofitu de tolos grupos menos PP y UPYD pa tener una partida pa l’Academia de la Llingua Asturiana.

5. El Conceyu d’Uviéu cambia les sos normes pa permitir la presentación de documentos n’asturianu a los ciudadanos.

6. El Parllamentu Européu emite una resolución en sofitu a la situación de les llingües europees ensin protección suficiente, como l’asturianu.

7. El Descensu del Seya tien cartelu n’asturianu per primer vegada en 77 años.

8. El Colexu Rural del Cabu Peñes y el Colexu Montiana de Xixón ponen el nome n’asturianu.

9. La nueva Llei d’Educación modifícase pa incluyir un apartáu que permite la continuidá de la llingua asturiana nel sistema educativu.

10. La TPA emite per primer vegada una película doblada al asturianu n’horariu de máxima audiencia.

Comentái en www.facebook.com/inaciugalan o @inaciugalan

Espublizáu por

Máster en Sociedá de la Información y el Conocimientu na UOC, Grau en Periodismu pola UDIMA, Especialista n'asturianu nel Máster de Profesoráu, Diplomáu en Turismu y Especialista en Xestión Cultural pola Universidá d’Uviéu. Anguaño preparo la mio tesis doctoral. Tengo trabayao en medios como la Cadena Ser, Onda Peñes, Asturnews... Dende 2007 presento programes na TPA, como Xente de casa y el recién Territoriu Sidreru. Los llunes en Noche tras noche, falo na RPA. En 2012 escoyéronme pa presidir Iniciativa pol Asturianu, lo que compaxino cola direición de la revista Formientu, el trabayu como profesor en dellos cursos, xestor cultural, amás d'otres xeres profesionales, culturales y reivindicatives. Dende 2016 exerzo como profesor de llingua asturiana y lliteratura n'institutos.

2 atopaos en “Les 10 meyores noticies del añu pa la llingua asturiana

  1. Al ser nieto de asturianos y tener familia alla me gustaria aprendr la lengua asturiana. Como me conviene hacerlo? ya que vivo en buenos aires.
    Quiero ayudar a que Asturias tenga mucho turismo desde Argentina

  2. Hola, a mí me interesan mucho las lenguas de la Península I bérica y encontré este enlace para aprender un poco de asturiano. Se trata de una variante dialectal del norte de León, pero me pareció serio: http://faceira.org/curso-leones/

Dexar un comentariu

La to cuenta de corréu nun va espublizase.