del blogue del Beltaine
Peslló la mañana d’esta segunda y última xornada del I Congresu Beltaine de Periodismu Cultural la charla sobre Información Llocal y Cultura Tradicional. Próspero Morán, direutor d’Asturnews; Inaciu Galán, presentaor de Al Aldu, y Aurelio Argel, falaron de la situación del sector nel país carauterizada por una falta de medios que dificulten la profesionalización de los periodistas que cubren esta temática.
Enantes, el profesor de la Universidá Rey Juan Carlos, Roberto de Miguell, disertó sobre El mapa informativo español de la Sociedad de la Información y la profesora de la Universidad del País Vasco, Leire Iturregui, de La experiencia de Euzkadi na Información Llocal y Cultura Tradicional.