Categoría: Televisión

  • Los trés primeros programes de Territoriu Sidreru

    Territoriu Sidreru 1Esti mes d’avientu echó a nadar na TPA un proyectu nel que llevo más d’un añu implicáu, Territoriu Sidreru.

    Territoriu Sidreru ye un programa dedicáu al mundu de la sidra, nel que facemos por dar a conocer llagares, chigres, eventos sidreros y otres iniciatives alredor del mundu d’esta bébida y la cultura que la arrodia, imprescindible pa entender Asturies.

    En cada capítulu visítase un llagar “De llagar en llagar” y una chigre en “La sidrería”, conociendo la so hestoria y actividá, amás un reportaxe ilustra un eventu sidreru y otres cuestiones alredor de la cultura sidrera. Apaez tamién un espaciu “Xente sidrero” dedicáu a falar con espertos en delles cuestiones del mundu la sidra y otres microsecciones como “¿Sabíes qué” o “La pallabra sidrera”.

  • Entregando l’informe a la Real Academia Española

    El pasáu llunes 4 de xunu, y como presidente d’Iniciativa pol Asturianu, tocóme dir a la sede de la Real Academia Española (RAE), en Madrid, pa presentar en mano énte la RAE l’informe tituláu «Definir el términu «asturianu» con xeitu. Informe sobre la presencia del vocablu «asturianu» y otros términos nos diccionarios normativos d’otres llingües». Trabayamos pa que se cambie la definición d’asturianu, qu’entá apaez como «dialecto» nesti diccionariu de referencia. Equí ta la noticia recoyida pola TPA.

    [youtube http://www.youtube.com/watch?v=HmrDDDShMpo&w=560&h=315]

    Esta ye, de momentu, la única contestación:

    http://www.ivoox.com/playerivoox_ep_1282395_1.html Ir a descargar

  • Entrevista en Pieces (TPA)

    Entrevista emitida nel programa Pieces, de la TPA, sobre’l llibru de monólogos «Pa echar unes rises», una antoloxía qu’acabo d’asoleyar con Ediciones Trabe.

    Ver entrevista na páxina de TPA.

  • Más monólogos…¡Pa echar unes rises! II Antoloxía de monólogu modernu

    La editorial Trabe acaba de poner nes llibreríes un llibru que preparé pa ellos: “Más monólogos…¡Pa echar unes rises! II Antoloxía de monólogu modernu”. El volume vien a ser la segunda parte de l’antoloxía del mesmu tipu asoleyada en 2008, y como naquel casu faigo la escoyeta de los monólogos y l’entamu.

    Permitíme participar con un testu col que gané’l Premiu Pepe Campo de monólogu en 2010 «La mio fía cásase», amás del entamu del llibru. Anímovos a pasar un ratín echando unes rises con él.

    Esti sábadu 31 a les 12:15 la TPA va emitir una entrevista dientro del programa Pieces na que-y cuento a Vanesa Gutiérrez dalgunos detalles del llibru y falamos del estáu del monólogu asturianu anguaño. Podéis ver la TPA en direuto nesti enllaz.

    (más…)

  • La Tertulia Enrique García Rendueles trata la situación del asturianu nos medios de comunicación

    Xueves 10 de marzu de 2011, Xixón.

    tell2_web_pa-blogue.jpgLa Tertulia Enrique García Rendueles tien esta selmana al periodista y escritor Inaciu Galán, redactor d’Asturnews, como ponente, y el tema a tratar sedrán los medios de comunicación asturianos, la so incidencia social y les perspeutives de futuru d’una rede comunicacional propiamente asturiana.

    Dende la organización de la Tertulia afirmen que “lloñe de lo que nun principiu pudiere paecer, el tema a desendolcar ye bien enguedeyáu”, darréu qu’hai qu’entamar por definir lo “qué son medios de comunicación asturianos, desendolcar la custión de la ghetización social de los ámbetos comunicacionales n’asturianu y valorar la esistencia y/o necesidá de xenerar una rede comunicacional propiamente asturiana”.

    La Tertulia celébrase tolos xueves nel llocal L’Ayalga, asitiáu na cai Prendes Pando 11, de la ciudá de Xixón. L’horariu ye de magar les 20 hores y l’asistencia ye abierta a tol públicu.

  • Nueva imaxe del programa Al Aldu

    Estos díes Al aldu cambió d’imaxe. Gracies al trabayu de César Balbotín, que fizo esti diseñu tán guapu. Llevamos cuasi cuatro años n’antena y yá tocaba renovanos. Espero que vos preste.

  • A partir d’agora vémonos los martes na TPA

    871274776600_frame-al-aldu.jpgDos de los espacios del programa de la TPA, “Al Aldu” cambien d’horariu de magar la primer selmana de payares. Un cambiu al que va sumase nes próximes selmanes otros dos bien importantes, la renovación de la imaxe d’Al Aldu, dempués de cuasi cuatro años n’antena, y l’adaptación del espaciu al formatu 16:9 d’emisión que ta implantando la TPA.

    “Xente de casa”, que da noticies orixinales del mundu enteru, cuntando cola presentación d’Inaciu Galán, pasa a emitise los martes a les nueve y cuartu la mañana.

    Asina, “L’axenda”, programa presentáu por Mercedes Menéndez dedicáu a dar anuncia de les actividaes culturales que se desenrrollen a lo llargo la selmana n’Asturies, pasa a emitise los xueves a les 9:15 hores.

    Los demás espacios siguen nel so día d’emisión habitual. Los monólogos de “La Risión”, con dellos actores, los llunes; les “Recetes con cuentu” de Milio’l del Nido los miércoles; y Carlos Suari y el deporte asturianu en “A galmiaes”, los vienres. Dellos de los programes repítense amás n’otros horarios y na fin de selmana.

  • Asina presta escribir monólogos

    Pásenme esti vidiu de la TPA nel que Lluis Antón González echa un monólogu que-y escribí. Ye increible’l partíu que-y saca a los testos que-y escribo. Gracies por llucilos, Antón.

    ¡Qué vos preste y riáis!

  • Periodismu cultural n’Asturies y n’asturianu nel Congresu Beltaine

    del blogue del Beltaine
    Peslló la mañana d’esta segunda y última xornada del I Congresu Beltaine de Periodismu Cultural la charla sobre Información Llocal y Cultura Tradicional. Próspero Morán, direutor d’Asturnews; Inaciu Galán, presentaor de Al Aldu, y Aurelio Argel, falaron de la situación del sector nel país carauterizada por una falta de medios que dificulten la profesionalización de los periodistas que cubren esta temática.

    Enantes, el profesor de la Universidá Rey Juan Carlos, Roberto de Miguell, disertó sobre El mapa informativo español de la Sociedad de la Información y la profesora de la Universidad del País Vasco, Leire Iturregui, de La experiencia de Euzkadi na Información Llocal y Cultura Tradicional.

  • Noticia: Inaciu Galán va falar de televisión n’asturianu güei na Casa Cultura de Ribeseya, mayu 2008

    Espublizada n’Asturnews, el 6 de mayu de 2008

    ——————————————————————

    La 1er Selmana Ribeseya de les Lletres acueye güei a les siete la tarde, na Casa Cultura de Ribeseya, una conferencia d’Inaciu Galán, presentador de la TPA y la Cadena Ser, na que va facer un repás pela hestoria de la televisión en llingua asturiana.

    p6170073_2.JPG

    Na conferencia, el presentador xixonés va facer un percorríu hestóricu dende les primeres emisiones en TVE de la mano de Carlos Rubiera, hasta l’ésitu actual de programes como Camín de cantares, Al aldu y otros espacios emitíos na TPA.

    La Selmana Ribeseyana cuntó ayeri llunes cola presencia de Xuan Xosé Sánchez Vicente y mañana va celebrar la entrega de los Premios Arbidel, termiando’l xueves con una conferencia de Marta Mori d’Arriba sobre la situación de l’asturianu.