Esti sábadu 19 d’ochobre celébrase nel Auditoriu d’Uviéu’l Congresu de Cultura Asturiana Mozo, un conceyu de xente del ámbitu de la cultura de menos de 35 años. El Congresu tien como oxetivos proyectar a la sociedá asturiana la idea de que hai muncha xente creando y trabayando nel mundu de la cultura asturiana y facer visible esa realidá, que, n’últimu términu, xenera empléu y riqueza.
A les 12:45 daré llectura a la ponencia dedicada a organizaciones de reivindicación llingüística y difusión cultural.
Dientro d’esti oxetivu Iniciativa pol Asturianu collabora coles sos aportaciones a esti testu, xunto a toes aquelles organizaciones y persones venceyaes a estos ámbitos que quixeron apurrir les sos aportaciones.
El Congresu de Cultura Asturiana Mozo va entamar a les 11 de la mañana, anque les acreitaciones entamen a repartise media hora enantes. A les 12:45 sedrá la conferencia dedicada a asociacionismu, na que participa Iniciativa pol Asturianu.