Esti xueves 17 d’ochobre a les 19:30 hores convídovos al actu de presentación de la publicación de los trabayos escoyíos na edición 2012 de les Xustes Lliteraries de Xixón, onde s’atopen unos poemes míos, “Haikus de la viesca”, escoyíos pol xuráu d’esti concursu. La presentación va facese nel salón d’actos del CMI de L’Arena.
María García al violonchelu y Marcos Álvarez a la guitarra van ser quien pongan música a los testos escoyíos qu’integren la publicación de les Xustes Lliteraries que se presenta. Un recital dirixíu por Ana Belén Rodríguez nel que van ser les voces de los mesmos autores quien espresen énte’l públicu les idees y sentimientos inherentes a les sos creaciones lliteraries.
L’accesu ye llibre y gratuitu hasta completar aforu.
