REDACCIÓN. UVIÉU – 07/11/2012 A LES 12:25:08
Inaciu Galán, periodista y escritor, va dar llectura esti miércoles a les 17.30 hores, a una conferencia sobre la historia de la publicidá en llingua asturiana dientro de les XXXI Xornaes Internacionales d’Estudiu qu’entama l’Academia de la Llingua Asturiana en collaboración cola Universidá d’Uviéu. Na conferencia, titulada Delles aportaciones pa una hestoria de la publicidá n’asturianu, l’autor va facer un repasu pelos exemplos atopaos na prensa de publicidá escrita n’asturianu.
El primer exemplu remóntase al sieglu XIX. Nel añu 1867 aparez esti primer anunciu, en forma de poesía. Dende entós decenes d’exemplos de publicidá n’asturianu pasaron pelos periódicos d’Asturies y d’otros llugares, como nos países onde había una fuerte presencia d’asturianos, n’América, o en publicaciones de fuera d’Asturies que queríen mostrar la procedencia del productu usando l’asturianu como seña d’identidá. Ente los más conocíos, el del papel de fumar La Panoya.
En total van presentase más de 50 exemplos
