Unu pue tar d’alcuerdu o en desalcuerdu con opiniones de Xaviel Vilareyo. Yo mesmo, que lu tengo en bona considerención y lu considero amigu, discrepo en munches cuestiones con él. Pero que lo que nun me presta ye que lu critiquen por organizar una Xunta d’Escritores que nun-y da más que problemes y tiempu robáu a otres actividaes.
Por eso, estos díes encamiento averase hasta Villa Madalena n’Uviéu y participar d’esti foru abiertu que sé que-y cuesta a Xavi un llabor importante y nel que dellos participamos de forma desinteresada pa echar un gabitu a una actividá qu’entama y qu’evidentemente pue gustar o non, pero creo, faise cola meyor de les intencioens.
Déxovos el programa:
LLUNES 11 XINERU:
– 17h. Presentación del llibru Lliteratura asturiana y compromisu, actes de la Xunta d’Escritores Asturianos 2008. Presenta: Esther Prieto.
– 17,30h. Llingües, clases y nacionalismos. Javier Cubero.
– 18,30h. L’idioma asturianu na Asturias de Santiyana. Xaviel Vilareyo.
– 19,30h. Presentación de los númberos 4 y 5 de la revista N’AST. Daniel Cueli.
– 20,30h. Centenariu de Miguel de la Guardia (Hontaneda 1859 – Uviéu 1910), arquitectu de Villa Madalena.
MARTES 12 XINERU:
– 17h. De cómo una llingua s’enfrenta a la muerte. Pablo Martínez Testa.
– 17,30h. Nación y llingua. Helena Trexu.
– 18h. Presentación del llibru Abismos, adicciones y papeles azules, de Xuan Carlos Crespos.
– 18,30h. Crónica del rei Fruela II d’Asturies (910-925) Xaviel Vilareyo.
– 19h. El procesu creativu. Dorita García. Presentación de la so obra narrativa.
– 19,30h. Presentación del númb. 6 de la revista Formientu.
Inaciu Galán, Laura Marcos, Benxa Pérez y César García.
– 20h. Recital de nueva poesía asturiana.
MIÉRCOLES 13 XINERU:
– 17h. Presentación del númberu 72 de la revista LA SIDRA. Llucía Fernández Marqués.
– 17,30. La lliteratura dialectal de los escritores de Santiyana. Xaviel Vilareyo.
– 18,30. El periodismu nuna llingua minorizada. Inaciu Galán.
– 19,30. Antoloxía poética de la Xeneración del Compromisu (1967-1982)
– 20h. Presentación del llibru Historia del Cine Asturianu, de Xaviel Vilareyo.
Presenta: Marcos Abel Fernández.
“pa echar un gabitu a una actividá qu’entama y qu’evidentemente pue gustar o non, pero creo, faise cola meyor de les intencioens” dices Inaciu. Nun pongo en dubia que tu lo creas, voi poner en dubia que realmente la Xunta se faiga cola meyor de les intenciones lliteraries. Mezclar el mundiu de la lliteratura colos temes de calter nacionalista que quieren abordar aprovechando’l nome de “Xunta d’Escritores” ye una patada en tolos güevos a la dignidá del idioma.
La lliteratura, y per ende la llingua, nun ye padremuñu politicu de naide, anque dalgunos lo crean, y aprovechar el trabayu fechu años atrás nes anteriores xuntes pa puxar determinaos posicionamientos politicos/espasionistes/delirantes ye un atentáu.
Echo en falta munchos nomes nesa Xunta, echo en falta braeros alderiques lliterarios. Sincieramente, y con tolos respetos, creo que vos equivocais en participar nella, anque toi conveciu que lo faceis con tola bona fe del mundiu.
A min paezme que Vilareyo fizo llamaos públicos pa que la xente que quixere tuviere, pero como nesta xunta nun se paguen les ponencies…