Prestosu Día de les Lletres Asturianes a toos.
Y a los responsables del desaniciu de la nuesa llingua dígo-yos lo de siempres: YÁ YÁ YÁ, OFICIALIDÁ!
Vémonos esta tarde na Manifestación pola Oficialidá. N’Uviéu, a les 19:30
Onde vos cuento la mio vida
Prestosu Día de les Lletres Asturianes a toos.
Y a los responsables del desaniciu de la nuesa llingua dígo-yos lo de siempres: YÁ YÁ YÁ, OFICIALIDÁ!
Vémonos esta tarde na Manifestación pola Oficialidá. N’Uviéu, a les 19:30
Con esi verde talo pareceis la UNA.
Namás dicir que ye triste que baxeis l’escalón de la dignidá política y faigais como ficieron otros cuando tacharon al PAS de traidores por refugar la oficialidá y pactar la que yera mui insuficiente llei d’usu del asturianu, que güei ye lo únicu que tenemos p’afayanos. A la fin too esto ye parte del xuegu políticu, el problema ye qu’hai perpocos a los qu’engañeis.
Mui bones Astur, namás dicir que nun ye lo mesmo cuando se tachó al PAS de traidor por nun ser quien a consiguir la oficialidá (pue acusase al PAS de falta de mano pa ello, pero non de falta d’interés, anque namás fuera electoral)
Esti casu ye mui distintu, IU-BpA, lleva cuasi 8 años dientro del Gobiernu d’Asturies (el PAS nunca nun tuvo nun gobiernu y nes últimes elecciones compromotióse a nun entrar tampoco, de consiguir representación)
Amás, nesti vidiu y na campaña nun se fai nengún tipu de crítica, sinón que s’amuesa lo que los propios dirixente d’Izquierda Xunida y Bloque por Asturies dicen, como tamién, los más culpables de too esto: PSOE Y PP.
Pero ye que n’ocho años de Gobiernu, Izquerda Xunida-Bloque por Asturies nun consiguió la oficialidá, nin una Llei d’Usu más ambiciosa, nin siquier que se cumpla l’actual Llei d’Usu de 1998, consiguida pol PAS ensin entrar en gobiernu nengún.
Nun hai qu’escaecer tampoco, qu’Izquierda Xunida entama a pidir la oficialidá en 1997, y el PAS lleva pidiéndola dende 1985.
Gracies pola to intervención y bon día de les lletres asturianes!
Lo que yo te digo, Inacín, ye too xuegu políticu y contar les verdaes a medies. El PAS fizo lo que pudo nel so día como anguañu IU fai lo que puede. El PAS fizo lo que-y dexó facer el qu’agora ye’l so compañeru de viaxe, Sergio Marqués, IU fai lo que-y dexa’l so compañeru de viaxe de la FSA ¿Criticable? Claro que si.
Cuando tengamos mayoríes suficientes les coses se fairán d’otra manera, mentanu asina son les coses.
Pa ponete un exemplu de les verdaes a medies: prestaríame ver a mi en política municipal a un URAS-PAS con un compromisu cola normalización llocal de la llingua en tolos llugares onde gobierna como tamién me prestaría velo n’IU. L.lena (Bloque) y Villaviciosa (URAS) pueden ser exemplos que se pongan cada partíu como estandarte de que ye lo que fain pola llingua si-yos dexen. Cabrales (URAS nel gobienu) Illas (onde URAS gobernó con mayoría absoluta) son dellos de los munchos exemplos que teneis pa facevos callar la boca.
Repitome, xuegu políticu y verdaes a medies.
Hai que tener cara y dura pa salir a defender a Izquierda Unida. Y los militantes nun teníais nin qu’abrir la boca.