Llibrería Casa del Libro, 13 d’agostu de 2016.

Preséntase “Tierra podre”, el primer poemariu d’Inaciu Galán
Esti sábadu 13 d’agostu a les ocho la tarde na Llibrería La Casa del Libro, en Xixón, va prsentase’l poemariu “Tierra podre”, del periodista y escritor Inaciu Galán. Na presentación tará presente’l tamién escritor Andrés Astur Treceño y l’editor, Pablo Solares. La obra edítala Ediciones Camelot y ta yá la venta nes principales llibreríes d’Asturies. 
Tierra Podre ye un poemariu dixebráu en cinco estayes temátiques qu’encadarmen el llibru y organicen los poemes acordies con temes que s’enrriestren dándo-y un filu de continuidá. El poemariu percuerre los requexos de la memoria familiar, les obsesiones vitales venceyaes a espacios físicos y a les distintes realizaciones de la lluz. Amás, toca temes venceyaos a la muerte, les despidíes o la vuelta al pasáu, xunto a otros poemes más identitarios que mos tresporten a paisaxes o falen del sentimientu de pertenencia a la tierra. Hai tamién espaciu pa pieces poétiques que s’averen al erotismu, a lo efímero de la vida o a la fraxilidá de les vivencies y les alcordances.
Inaciu Galán y González (Xixón, 1986) ye periodista, profesor, xestor cultural y activista en defensa de los drechos llingüísticos, al frente d’Iniciativa pol Asturianu dende l’añu 2011. Nel ámbitu lliterariu apaez en volúmenes colectivos y vien collaborando con revistes como Lliteratura, Reciella Malory, Lletres Lliterariu, La Ratonera, asina como con artículos d’investigación alredor de la lliteratura y la llingua asturianes en revistes y volúmenes colectivos de calter científicu. Amás, fíxose con premios nel campu de la narrativa curtia, el monólogu, la poesía, la investigación y el periodismu, incluyendo’l Premiu Urogallo de Bronce pol so llabor a favor del asturianu y esti mes d’agostu, col prestixosu Premiu Fernán Coronas de poesía. En 2006 fundó la revista lliteraria Formientu, que dirixe dende entós y que vien asoleyando la obra de más d’un cientu d’autores mozos asturianos, convirtiéndose nesta década d’actividá na cantera de la lliteratura n’asturianu. Autor d’obres como’l Diccionariu asturianu-inglés/inglés-asturianu (Trabe, 2006), primeru billingüe d’esti idioma con otra llingua distinta al castellán, o’l llibru infantil Nel, el coríu que nun sabía nalar (Asturtoons, 2012), ente otros, presenta agora, más de diez años dempués d’entamar la so actividá poética, el so primer poemariu individual.

Aconceyáu’l xuráu del X Concursu de micro-rellatos n’asturianu “L’Horru del Carbayedo” (al marxe dafechu de l’Asociación de Vecinos El Hórreo, entidá que lu entama), y formáu por D. MIGUEL SOLIS SANTOS (biólogu, dibuxante, escritor y miembru de l’Academia de la Llingua Asturiana), D. RAFAEL RODRÍGUEZ VALDÉS (hestoriador, ensayista y responsable del Serviciu de Normalización de Corvera), y D. ANTÓN CAAMAÑO VEGA (primer doctor n’Artes Escéniques n’Asturies, direutor de la compañía teatral Nun Tris y actor), actuando como secretaria con voz, pero ensin votu Dª Montserrat Machicado Compañy (filóloga, especialista en llingua asturiana y responsable de la Estaya de la Llingua d’Avilés), alcordó axudicar los premios rellacionaos darréu: 

– Primer Premiu (500 € y troféu):

“Billete d’ida y vuelta” (presentáu col nomatu “Sirius”)

– Segundu Premiu (300 € y placa):

“L’enemigu” (presentáu col nomatu “Tuxa”)

 

Namás recibir l’acta, la A. VV El Hórreo (entidá organizadora) despeslló les pliques, resultando ser los autores Ánxel Álvarez Llano, de Bo, Ayer (primer premiu) e Inaciu Galán y González, de Xixón (2u premiu)

 Tolos rellatos, premiaos y no premiaos, presentaránse al públicu n’una esposición al aire llibre nel parque’l Carbayedo (Fiestes de San Roque, del 19 al 22 d’agostu). L’actu d’entrega premios, xunto cola lletura de los cuentos premiaos, fairáse’l llunes, 22 (“llunes d’asturianía”), nel Salón de l’A. VV. El Hórreo (C/Dr. Marañón, 16, baxu, Avilés), a les 18:00 hores, (xusto enantes d’entamar la obra “Depués de vieyos, gaiteros”, que representa, nel mesmu llugar, el grupu de teatru asturianu “Garapiellu”).

 

El jurado ya ha fallado los premios de la décima edición del concurso de microrrelatos en asturiano ‘L’Horru del Carbayedo’ y el primer premio ha sido para Ánxel Álvarez Llano, que presentó su escrito ‘Billete d’ida y vuelta’ con el pseudónimo de ‘Sirius’. El segundo puesto se lo ha llevado el relato ‘L’enemigu’ del gijonés Inaciu Galán. Ambos autores ya habían sido premiados en ediciones anteriores.
El ganador recogerá el próximo lunes 22 de agosto, en plenas fiestas de San Roque, su premio de 500 euros y un trofeo acreditativo en un acto en el salón de la asociación de vecinos. El segundo se llevará a casa una placa y un cheque de 300 euros. Todas los relatos presentados al concurso podrán ser leídos por el público en una exposición al aire libre en el parque del Carbayedo durante las fiestas del barrio, del 19 al 22 de este mes.
La asociación de vecinos El Hórreo organiza el certamen literario desde hace años y selecciona un grupo de entendidos en literatura asturiana al margen de la entidad ciudadana para que valore los escritos.
Fonte: La Voz de Avilés

Mañana na Casa Natal del Padre Galo voi falar un pocoñín de la so figura y les sos reivindicaciones pioneres alredor del asturianu. A les 19 hores en Cadavéu, abriendo la selmana cultural.

 

Iniciativa pol Asturianu participa esti vienres 29 de xunetu de magar les 18:00 hores na Xornada sobre normalización llingüística organizada nel Arcu Atlánticu de Xixón. Sedrá na Carpa Espaciu Pallabres, nel Puertu Deportivu de la villa de Xovellanos.

La xornada va entamar con una conferencia de Ramón d’Andrés sobre delles cuestiones básiques acerca del debate llingüísticu n’Asturies. Darréu va faese una charres curties con Inaciu Galán (Iniciativa pol Asturianu), Carlos Pulgar (Xunta pola Defensa de la Llingua Asturiana) y Fernando de la Fuente (Asociación Cultural Ástura)

L’actu va pesllase con un alderique sobre la normalización llingüística del asturianu nel que van intervenir Mario del Fueyo (conceyal y portavoz del Grupu Municipal de Xíxón Sí Puede), Manuel Couto Noriega (representante del Grupu Municipal d’Izquierda Xunida), Pablo González (conceyal del Grupu Municipal del Partido Popular) y Humberto Gonzali (escritor y promotor cultural)

Fonte: Iniciativa pol Asturianu 

Afondamos al rodiu la natura y especies en peligru n’Asturies con Roberto Hartasánchez, presidente del FAPAS, el fondu pa la protección d’animales salvaxes y con los periodistes Pablo Rodríguez Guardado ya Inaciu Galán.

[youtube https://www.youtube.com/watch?v=pGCc31TIrUo&w=560&h=315]