Blog

  • Conferencia nes Xornaes Internacionales d’Estudiu

    INAUGURACIóN DE LES XXXIV XORNAES INTERNACIONALES D’ESTUDIU
    Captura de pantalla 2015-10-30 a las 16.16.00
    El martes, 3 de payares, a les 16:00 hores nel salón d’actos de la Facultá de Filosofía y Lletres de la Universidá d’Uviéu tendrá llugar la inauguración de les XXXIV XORNAES INTERNACIONALES D’ESTUDIU cola intervención de la Vicerrectora d’Investigación y Campus d’Escelencia Internacional de la Universidá d’Uviéu, Dª. Mª Paz
    Suárez Rendueles; la Decana de la Facultá de Filosofía y Lletres, Dª. Carmen Alfonso García y la Presidenta de l’Academia de la Llingua Asturiana, Dª. Ana Mª Cano González.

    Les Xornaes celebraránse’l martes, miércoles y xueves de la próxima selmana y nelles participarán un bon númberu de profesores ya investigadores asturianos xunto con otros de distintes universidaes españoles y europees.

    La sesión entamará coles presentaciones de la edición dixital del númberu 113 de la revista _Lletres Asturianes_ y del númberu 5 de la revista _Ciencies. Cartafueyos Asturianos de Ciencia y Teunoloxía_. La conferencia inaugural tará a cargu de la profesora Cristina Valdés Rodríguez (Universidá d’Uviéu & ALLA) que falará sobre _Un enfoque polisistémicu a la traducción n’asturianu: normes y estratexes_.

    Darréu entamarán les comunicaciones del académicu Xuan Xosé Sánchez Vicente y de los profesores Armando Murias, Pablo Rodríguez Medina ya Inaciu Galán.

    L’actu pesllaráse cola ponencia _Otros horizontes: la aparición de la lengua asturiana en las cartas privadas de los emigrantes de principios del XX_ de la profesora Laura Martínez Martín (Universidá de Lisboa).

    Captura de pantalla 2015-10-30 a las 16.16.18

  • Recital poéticu en Villaviciosa

  • Entrevista na revista Fusión Asturias

    Inaciu Galán. Presidente de Iniciativa pol Asturiano

    -¿Un idioma es un derecho humano?
    -Los derechos lingüísticos están reconocidos en la Carta de Derechos Humanos, y es uno de los temas que la ONU contempla a la hora de hacer un informe, junto a la situación de los niños, de las mujeres, de los inmigrantes… En realidad, hasta ahora siempre se había mirado desde el punto de vista del patrimonio cultural, la UNESCO elabora periódicamente un Atlas de lenguas en peligro, en el que el asturiano está catalogado como en riesgo grave. Pero ahora en la ONU lo plantea también desde el punto de vista de los Derechos Humanos, porque hay un colectivo que habla y vive en esta lengua y que tiene coartado el derecho para usarla en determinados ámbitos con normalidad. Es un gran salto.

    Puedes siguir lleéndola nesti enllaz

  • Xuráu del Premiu Fernán Coronas                

    Moisés Cimas resultó ganador del Premiu Fernán Coronas de poesía esti añu nuna xornada na que tamién participé nun homenaxe al poeta de Cadavéu.

       
        
        
       

  • Iniciativa pol Asturianu denuncia en Uesca la situación de peligru de la llingua asturiana y reclama la oficialidá

    Inaciu Galán, presidente d'Iniciativa pol Asturianu, mientres la so intervención nel XXIV Congresu de Llingües y Cultures Europees Amenazaes celebráu en Uesca.

    Inaciu Galán, presidente d’Iniciativa pol Asturianu, faló esti vienres énte los más de setenta delegaos d’organizaciones en defensa de llingües d’Europa dientro del XXIV Congresu de Llingües y Cultures Europees Amenazaes, en Uesca. Galán esplicó la situación del idioma en distintos ámbitos nos que les alministraciones son responsables de la situación de peligru de desapaición del asturianu, talos como los medios de comunicación públicos, el procesu de recuperación de la toponimia, el sistema educativu y sobre too, la falta d’un estatus llegal pal idioma qu’otorgue la plena igualdá xurídica a los falantes d’asturianu, gallego-asturianu y castellán, que como esplicó «ha pasar pola reconocencia de la oficialidá nel Estatutu d’Autonomía».

    Alredor de la presencia de la llingua nel sistema educativu, Iniciativa pol Asturianu denunció los recortes en Bachilleratu, onde l’asignatura pasará de cuatro hores a una selmanal esti cursu próximu, asina como la falta d’aiciones pa consiguir un sistema educativu que garantice la tresmisión xeneracional de la llingua asturiana lo qu’en pallabres d’Inaciu Galán «pasa per un sistema onde l’asturianu seya una llingua más del currículu, pa tolos alumnos y cola posibilidá de tener parte de les materies col asturianu como llingua vehicular».

    Tamién reclamó que l’asturianu tenga una meyor presencia na radiotelevisión autonómica, onde Galán comentó como «falten programes n’asturianu en cuestiones clave, como la programación infantil, los informativos, el deporte y el doblaxe de ficción» recordando que proyectos como Alderiques d’Asturies, entamaos col puxu d’Iniciativa pol Asturianu «demuestren que ye posible facer una televisión n’asturianu con toa triba de conteníos».

    Iniciativa pol Asturianu faló tamién de la participación d’esta organización na sesión de control a España del Altu Comisionáu de Drechos Humanos de la ONX, que va sirvir pa tomar aiciones y solicitar sanciones al gobiernu d’España y al d’Asturies polos incumplientos llexislativos en materia llingüística que se dan n’Asturies. La presencia del asturianu xeneró bien d’interés nos representantes internacionales mesmo na conferencia d’Inaciu Galán, que nel puestu informativu y d’esposición de llibros y otros productos culturales n’asturianu que pudo vese a lo llargo del congresu.

    L’alcuentru entamáronlu’l Consello d’a Fabla Aragonesa y ALCEM (Asociación poles Llingües y Cultures Europees Amenazaes) a los qu’Iniciativa pol Asturianu quier felicitar pola bona organización y pola repercusión que tán teniendo en medios de toa Europa les reivindicaciones de les llingües minorizaes.

  • Semeyes mesa redonda na Selmana Negra 2015

    Comercialización y promoción de la lliteratura n’asturianu

    SELMANA NEGRA 2015

    Martes, 14 de xunetu de 2015, 20:30 hores

    (Carpa Biblioasturias)

    Esther Prieto, Rafa Gutiérrez, Xuan Xosé Sánchez Vicente y Silvia Cosío. Empobina: Inaciu Galán.

    image  image image image image image image image image image image image image image image image image image image image image image image image

  • Mesa redonda na Selmana Negra: Comercialización y promoción de la lliteratura n’asturianu

    MESA REDONDA

    Comercialización y promoción de la lliteratura n’asturianu

     SELMANA NEGRA 2015

    Martes, 14 de xunetu de 2015, 20:30 hores

    (Carpa Biblioasturias)

    Esther Prieto, Rafa Gutiérrez, Xuan Xosé Sánchez Vicente y Silvia Cosío. Empobina: Inaciu Galán.

  • Entrevista n’Iniciativa pol Asturianu nes ondes

    porgramaradio4

    Ufro equí la entrevista na radio, na que falo con Samuel Gradín del II Congresu d’Iniciativa pol Asturianu nel que fui escoyíu como Presidente pa los próximos trés años.

    Sentir entrevista completa

  • Últimos díes pa matriculase nel cursu de branu “Xestión cultural n’Asturies: creando cultura al traviés de los medios”

    [youtube https://www.youtube.com/watch?v=lq-xCSE6bZg]
    La Universidá d’Uviéu y l’Academia de la Llingua Asturiana tienen abiertu’l plazu pa matriculase nel cursu Xestión cultural n’Asturies: creando cultura a traviés de los medios, que va celebrase en Cangas del Narcea del 10 al 14 d’agostu, dientro de la Universidá Asturiana de Branu (UABRA)

    L’oxetivu d’esti cursu, empobináu pola profesora de la Universidá d’Uviéu, Isabel Hevia Artime, ye afondar na conocencia de la teoría y les ferramientes práutiques de la xestión cultural venceyaes n’especial a los campos de la xestión de la política llingüística y la cultura n’Asturies, averándonos a la conocencia de la situación de la estaya y apurriendo ferramientes básiques pal trabayu nel campu de la xestión cultural n’Asturies, dende un puntu de vista teóricu y práuticu.

    Nel programa formativu tamién participen como profesores Cristóbal Ruitiña, conocíu periodista de la TPA ya investigador y profesor universitariu, María Xosé Rodríguez, que foi a lo llargo de diez años responsable de la Oficina de Normalización Llingüística de Xixón ya Inaciu Galán y González, especialista en Xestión Cultural, periodista y presidente d’Iniciativa pol Asturianu.

    El cursu, que va celebrase en Cangas del Narcea en réxime d’internáu, va entamar el 10 d’agostu, dura una selmana, y tien un costu de 190 euros, lo qu’inclúi matrícula, agospiu en réxime de pensión completa y materiales.

    Les inscripciones han facese nel llar de l’Academia de la Llingua Asturiana, na cai L’Águila d’Uviéu, Monesteriu de les Pelayes. Pa más información pueden ponese en contautu nel corréu alla@academiadelallingua.com o nel teléfonu 985 211 837.

  • Matrícula abierta: Xestión cultural n’Asturies: creando cultura a traviés de los medios (del 10 al 14 d’agostu de 2015)

    ¿Préstate la Xestión Cultural? L’Academia de la Llingua Asturiana y la Universidá d’Uviéu ponen en marcha un cursu esti mes d’agostu. Güei ábrese la matrícula.

    Xestión cultural n’Asturies: creando cultura a traviés de los medios (del 10 al 14 d’agostu de 2015)

    L’oxetivu d’esti cursu, empobináu por Isabel Hevia Artime, ye afondar na conocencia de la teoría y les ferramientes práutiques de la xestión cultural venceyaes n’especial a los campos de la xestión de la política llingüística y la cultura n’Asturies, averándonos a la conocencia de la situación de la estaya y apurriendo ferramientes básiques pal trabayu nel campu de la xestión cultural n’Asturies, dende un puntu de vista teóricu y práuticu. Nel programa formativu tamién participen como profesores Cristóbal Ruitiña Testa, María Xosé Rodríguez López ya Inaciu Galán y González.

    Matrícula:
    Del 25 de mayu al 5 de xunu. Academia de la Llingua Asturiana (Cai L’Águila, Uviéu )
    Horariu pa matriculase:
    Llunes a xueves de 9 a 15 hores y de 16 a 19 hores.
    Vienres de 9 a 14 hores.
    Síguese un orde rigorosu d’inscripción. Amás del importe de la matrícula y una semeya, hai qu’enllenar tamién l’impresu de matriculación que se facilita na
    Academia.

    Inscripción: 190 €

    Inclúi matrícula, agospiu en réxime de pensión completa y materiales.

    Cai L’Águila, númberu 10, 33003, Uviéu, Asturies
    Tfnu. +34 985 21 18 37
    alla@academiadelallingua.com