Na política asturiana (si ye que podemos falar de “política asturiana” al referinos a los partíos centralistes) esiste una llarga tradición pola que los políticos faen de nueso los problemes de los demás de forma artificial. Una forma más de sucursalismu pola que los conflictos qu’apaecen en Madrid, Barcelona o Sevilla, por exemplu, conviértese de sópitu en verdaderos problemes “regionales”. Camiento que los políticos asturianos de PP y PSOE nun faen más que repitir como papagayos los discursos escritos dende Madrid. Y agora súmense otres fuercies como UPyD.
A partir d’agora vémonos los martes na TPA
Dos de los espacios del programa de la TPA, “Al Aldu” cambien d’horariu de magar la primer selmana de payares. Un cambiu al que va sumase nes próximes selmanes otros dos bien importantes, la renovación de la imaxe d’Al Aldu, dempués de cuasi cuatro años n’antena, y l’adaptación del espaciu al formatu 16:9 d’emisión que ta implantando la TPA.
“Xente de casa”, que da noticies orixinales del mundu enteru, cuntando cola presentación d’Inaciu Galán, pasa a emitise los martes a les nueve y cuartu la mañana.
Asina, “L’axenda”, programa presentáu por Mercedes Menéndez dedicáu a dar anuncia de les actividaes culturales que se desenrrollen a lo llargo la selmana n’Asturies, pasa a emitise los xueves a les 9:15 hores.
Los demás espacios siguen nel so día d’emisión habitual. Los monólogos de “La Risión”, con dellos actores, los llunes; les “Recetes con cuentu” de Milio’l del Nido los miércoles; y Carlos Suari y el deporte asturianu en “A galmiaes”, los vienres. Dellos de los programes repítense amás n’otros horarios y na fin de selmana.
Vidiu del actu XXV Aniversariu del Partíu Asturianista
[youtube http://www.youtube.com/watch?v=cRHLyLzIqC8&fs=1&hl=es_ES]
Esti sábadu celebramos n’Uviéu 25 años de Partíu Asturianista
Descargái Firefox, un nuevu espaciu pa vivir n’asturianu
Los que queremos vivir n’asturianu nun lo tenemos fácil. Les dificultaes son grandes en tolos ámbitos. Dende va tiempu y gracies a la xente de Softastur cuntamos con un espaciu nel que l’asturianu ye cada vegada más normal, la rede y el nuesu propiu ordenador.
Agora saquen una nueva versión del restolador Firefox, col qu’entrar nes tos páxines preferíes usando tolos comandos n’asturianu. Amás, dende va tiempu tienen una versión d’Ubuntu, equivalente a Windows, pero d’usu llibre, n’asturianu.
Anímovos a descargalu y usalu. Sorprendióme pa bien. Paezse muncho al restolador de Google, el más cómodu y rápidu col que trabayare hasta agora, pero creo qu’esti lu supera, con un diseñu tan prestosu y remanable como’l Chrome. Norabona a los sos tornadores por ufrinos esta oportunidá d’usar l’asturianu con normalidá.
Podéis descargalu equí:
Entrega del Premiu UDIMA de microrrellatu
Fallu del Xuráu de los premios del I Concursu de Microrrelatu y Fotografía UDIMA
Aconceyaos el 29 de xunu de 2010 en Collada Villalba, los profesores del grau de Periodismu de la Universidá a Distancia de Madrid, Antonio Rodríguez, Álvaro de Diego, Ana Rubio y Celia Berná, en calidá de miembros del xuráu del I Concursu de Microrrelatu y Fotografía Udima alcordaron por unanimidá conceder los premios a los siguientes trabayos:
Na semeya, Eugenio Lanzadera, Secretariu de la Universidá a Distancia de Madrid (UDIMA) entrega’l premiu.
Concursu de Microrrelatu:
“Una mañana cualquiera”. Inaciu Galán y González
Poemes en Lletres Lliterariu 2 (ALLA, mayu 2010)
Estos son dos de los cuatro poemes espublizaos na revista Lletres Lliterariu, númberu 2.
Mármole
El día qu’inauguraren aquella estatua
el pueblu salió a la cai entusiasmáu
¡mil años! – glayaben
¡puxa él! – repitíen ensin parar
Güei apaeció na escavación d’una obra
cubierta de tierra,
muerta de vergoña
decatándose de que l’alcordanza
ye muncho más feble que’l mármole.
Inaciu Galán y González
Foya
Salía na llista
y anque fueran xuntos a escuela
anque al otru lu convidare a una botella apocayá,
acabó na foya col restu los enemigos
aquellos colos qu’ayeri ríen en chigre
y a los que güei dexaron sangrando na cuneta
por nun sé qué cafiante sinrazón.
Inaciu Galán y González
Agradecimientu pol apoyu nel casu del DNI
Prestaríame dar les gracies a toles persones que me ficieron llegar el so apoyu nel casu del conflictu que vivo cola alministración pol incumplimientu de la toponimia oficializada nel mio DNI.
Especialmente a Xuan Pandiella y Ramón d’Andrés, que ficieron el so apoyu públicu al traviés d’artículos.
—
–
Premiu Pepe Campo
El certamen literario «José Robles» entregó sus premios fundacionales
El malagueño Daniel Morales y Pablo González fueron los ganadores de la primera edición del certamen
Participantes en la gala de entrega de premios.
Moreda (Aller), C. M. B.
El I Certamen de relato corto «José Antonio Robles» ya tiene ganadores. Se trata de Daniel Morales, en la categoría de castellano, y Pablo Rodríguez, en asturiano. El acto de entrega de premios se celebró el miércoles en Moreda, enmarcado dentro de la Semana Cultural de Los Humanitarios, con la colaboración del Club LA NUEVA ESPAÑA en las Cuencas. Además, también se entregó el premio de monólogos «Pepe Campo», que en esta edición recayó en el autor asturiano Inaciu Galán.
Mánfer, un homenaxe merecíu
La noticia de la decisión de dedicar la Selmana de les Lletres Asturianes de 2011 a Mánfer de la Llera allégrame’l día. Mánfer merez entrar nel llistáu de los clásicos de la Lliteratura Asturiana por munches razones y amás, por qué nun dicilo, yera una paisanu con toles lletres, un bon amigu y un asturianista comprometíu hasta l’últimu día de la so granible vida.
publicáu n’Asturnews