Blog

  • Inaciu Galán, redactor d’ASTURNEWS, recibe esti domingu 1 de mayu’l Premiu Periodísticu “Moscones en Xixón” por “Grau, el mercadón de la cultura”

    certame-perioidsicu.jpgEl xuráu del VII Certame Periodísticu “Moscones en Xixón” decidió otorgar el gallardón d’esta edición al trabayu «Grau, el mercadón de la cultura», un reportaxe espublizáu pol diariu ASTURNEWS nel añu 2010 y del que ye autor Inaciu Galán y González. Esti domingu 1 de mayu va producise na villa de Grau la entrega.

    A les 12:30 de la mañana va entamar l’actu d’entrega cola actuación del Orfeón de Grau, pallabres del premiáu, del presidente de Moscones en Xixón, don Alfredo González Huerta, y del Alcalde de Grau, don Antonio Rey González. Finalizáu l’actu, el galardonáu y el restu d’asistentes sedrán recibíos pola Banda de Gaites Villa de Mieres, sirviéndose darréu un pinchéu a los asistentes a la entrega d’esti gallardón periodísticu dotáu con 1.200 euros.

    (más…)

  • Entrega del Premiu de Periodismu «Moscones en Xixón»

    Los collacios de l’asociación Moscones en Xixón y el Conceyu de Grau tán trabayando muncho pal actu d’entrega del Premiu de Periodismu Moscones en Xixón, y nun puedo tar más agradecíu por tantu afalagu. A quien-y preste acompañanos y aprovechar el día pa celebrar la fiesta de la Primer Flor de Grau, equí tien la información completa del programa:

    El domingu 1 de mayu, a les 12:30 de la mañana. Actu d’entrega del premiu al ganador del VII Certame Periodísticu Moscones en Xixón, a don Inaciu Galán y González, pol trabayu «Grau, el mercadón de la cultura», espublizáu n’Asturnews el 30 d’avientu de 2010.

    moscones-en-xixon.jpgActuación del Orfeón de Grau, pallabres del premiáu, del presidente de Moscones en Xixón, don Alfredo González Huerta, y del Alcalde de Grau, don Antonio Rey González.

    Finalizáu l’actu, el galardonáu y el restu d’asistentes sedrán recibíos pola Banda de Gaites Villa de Mieres, sirviéndose darréu un pinchéu a los asistentes.

    Moscones en Xixón, con motivu del actu d’entrega y de la festividá de la Primer Flor, pondrá, de baldre, un autobús a disposición de los socios y públicu en xeneral. La salida sedrá dende Xixón, a disposición de los socios y públicu en xeneral. Saldrá de la Ilesia de Fátima, en La Calzada, a les diez de la mañana, y con paraes na Plaza de L’Habana, Xardinos de la Reina (Hotel Don Manuel) y na cai Menéndez Pelayo (parada l’autobús urbanu). El regresu fadráse a les ocho la tarde. Reserves y más información nos teléfonos 984 294 917 y 606 004 917.

  • Día del Llibru: «Salir a la escuridá» espublízase en papel

    Allá peles fiestes navidiegues del añu pasáu ufríavos la versión en llinia del rellatu «Salir a la escuridá» col que resulté ganador de la modalidá d’asturianu del Concursu Lliterariu de la Fundación Cultural Asturias, de la UXT.

    Apocayá tengo nes mios manes la versión en papel, espublizada xunto a los otros dos rellatos premiaos nel concursu, d’Eva María Alonso Ruisánchez y Sofía Castañón, dambos en castellán, anque’l primeru d’ellos colos diálogos n’asturianu.

    concursu-lliterariu-uxt.jpg

    La edición de los ganadores d’esta cuarta edición del concursu ye non venal y pue consiguise na propia Fundación Cultural Asturias, que podéis atopar equí, si ye que vos peta tener la versión en papel, sinón, úfrovos otra vegada, y coincidiendo col Día del Llibru 2011, la versión virtual equí.

    ¡Bon día del llibru!

  • La Tertulia Enrique García Rendueles trata la situación del asturianu nos medios de comunicación

    Xueves 10 de marzu de 2011, Xixón.

    tell2_web_pa-blogue.jpgLa Tertulia Enrique García Rendueles tien esta selmana al periodista y escritor Inaciu Galán, redactor d’Asturnews, como ponente, y el tema a tratar sedrán los medios de comunicación asturianos, la so incidencia social y les perspeutives de futuru d’una rede comunicacional propiamente asturiana.

    Dende la organización de la Tertulia afirmen que “lloñe de lo que nun principiu pudiere paecer, el tema a desendolcar ye bien enguedeyáu”, darréu qu’hai qu’entamar por definir lo “qué son medios de comunicación asturianos, desendolcar la custión de la ghetización social de los ámbetos comunicacionales n’asturianu y valorar la esistencia y/o necesidá de xenerar una rede comunicacional propiamente asturiana”.

    La Tertulia celébrase tolos xueves nel llocal L’Ayalga, asitiáu na cai Prendes Pando 11, de la ciudá de Xixón. L’horariu ye de magar les 20 hores y l’asistencia ye abierta a tol públicu.

  • Inaciu Galán gana la VI Edición del Certamen Periodistico Moscones en Xixón

    moscones-en-xixon.jpg

    Ayer, jueves 24 de febrero, se falló el VI Certamen Periodístico Moscones en Xixón. El premio se otorgó a Inaciu Galán por el artículo «Grau, mercadón de la cultura» publicado en el diario digital Asturnews el 30 de diciembre de 2010. Esta es la primera edición en la que se premia un texto en asturiano y además publicado en un medio digital. Galán repasa en su artículo las distintas iniciativas y actividades culturales que se desarrollan en Grado/Grau, «una montonera d’iniciatives culturales que trescienden del ámbitu moscón pa convertise nun focu d’emisión de cultura pa toa Asturies y pal restu del mundu» en palabras del propio autor.

    Fonte: Blogue Cultura Grau

  • Nueva imaxe del programa Al Aldu

    Estos díes Al aldu cambió d’imaxe. Gracies al trabayu de César Balbotín, que fizo esti diseñu tán guapu. Llevamos cuasi cuatro años n’antena y yá tocaba renovanos. Espero que vos preste.

  • Antón Forascepi, mio tíu-bisgüelu, marineru y escritor n’asturianu

    anton-y-daniel-forascepi.jpg

    Acabo de publicar un trabayu na revista d’investigación Cartafueyos d’ensayu de N’ast, nel so númberu seis, nel qu’apaez xunto a otros de Xuan Porta Allende, David Gimeno i Ayuso, Xaviel Vilareyo, Xune Elipe y Javier Cubero.

    L’artículu titúlase “Averamientu a la figura del escritor Antón Forascepi (1869-1947)” y nel faigo un repás pela vida y obra d’un marineru de Llastres (Colunga) con enclín pola lliteratura n’asturianu. La so obra ye satírica pero’l so compromisu col idioma amosábalu tamién na so vida profesional. Xunto a los sos hermanos tenía una fábrica de conserves y una de les sos marques yera «La Xoya».

    Ye un artículu pa min especial, porque Antón Forascepi (na semeya xunto al so fíu Daniel) yera familiar de mio, esactamente tíu-bisgüelu. Casó’l 23 d’abril de 1898 casa con Rosario Braña Rivero “la Rosario”, tía de mio güelu Poldo Galán Braña.

    Parte del artículu pue vese nuna amuesa qu’ufre de baldre l’asociación, calcando equí

    (más…)

  • Formientu despide l’añu con lliteratura y sidra axampanao

    Avientu 28, 2010 por Xicu Ariza (Asturies.com)

    L’Atenéu Cultural Xuan María Acebal y Xareos! Xestión Cultural, organicen un actu pa despidir l’añu. Nél, va presentase’l númberu doble de la revista Formientu y un brindis pol Añu Nuevu con sidra axampanao.

    L’actu va celebrase’l próximu xueves 30 d’avientu na Llibrería Paraxuga d’Uviéu, a partir de les 19.30. Amás, va cuntar cola presencia de los autores que publiquen na revista.

    (más…)

  • Un regalín nestes fiestes navidiegues

    foto-3.jpgQuiero deseavos a toos lo meyor pa estes feches. El mio regalu de Navidá ye un rellatu, col que fui ganador apocayá de la categoría d’asturianu del premiu de la Fundación Asturias d’UXT. Anque saldrá ensiguida en llibru, acaben d’espublizalu en llinia y préstame compartilu con vós. Esti ye’l mio pequeñu regalu pa esti día.

    Calca equí pa lleer «Salir a la escuridá»

  • La Fundación Cultural Asturias entrega los premios del IV Concurso literario de relatos para jóvenes

    UVIÉU, 9 Dic. (EUROPA PRESS) –

    La Fundación Cultural Asturias entregará mañana viernes a las 12.00 horas en la sala de prensa de UGT Asturias los premios de su IV Concurso literario de relatos para jóvenes.

    Según informó la institución, la ganadora de esta cuarta edición, Eva María Alonso, autora del relato Tiraime a la mar, recibirá el primer premio, dotado con 1.000 euros y la publicación de la obra. Además, los gijoneses Sofía Castañón, con La cuarta pared, e Inaciu Galán y González, con Salir a la escuridá, recogerán su diploma de finalistas en las modalidades de castellano y asturiano, respectivamente, y también verán publicados sus textos.

    El Concurso Literario de la Fundación Asturias está dirigido a jóvenes de hasta 30 años residentes en el Principado. El tema es libre, las obras han de ser inéditas y no premiadas en otros certámenes y pueden estar escritas en castellano o asturiano.

    La Fundación, promovida por la Unión General de Trabajadores de Asturias desde 1991, tiene como objetivo la difusión de la cultura, el estudio y la investigación dentro del ámbito de los valores y el pensamiento de progreso.