Noticia: Inaciu Galán ya Isaac de l’Arada ganen el Pepe Campo de monólogu, otorgáu polos Humanitarios de Samartín ,

Espublizada n’asturnews el 12 de payares de 2008.

—————————————————————–
2590.jpgEl premiu entregóse ayeri en Morea Inaciu Galán ya Isaac de l’Arada recoyeron el premiu pol monólogu Asturianos al volante… esti sábadu nun actu nel colexu de Morea (Ayer), nel que se punxo de manifiestu’l remocicar d’esti xéneru humorísticu.

El monólogu premiáu puo sentise nel Segundu Certame de Monólogu Modernu n’Asturianu organizáu pola asociación H.A XAREOS que se celebró’l sábadu 28 d’ochobre na Sala Albéniz de Xixón. Esti festival, que busca que’l monólogu asturianu siga siendo un referente na vida cultural de los asturianos, y que siga siéndolo n’asturianu, con unes formes y una temática renovaes, tuvo presentáu precisamente por Inaciu Galán y González, cuntando coles actuaciones de Cellero, Lluis Antón González, Benxa Pérez y l’estrenu de Delitu Rural y otros alumnos de la escuela Cellero.

http://www.asturnews.com/index2008.php?idn=3654&hemeroteca=1#

Noticia: Inaciu Galán y Alberto Álvarez Peña protagonizaron la Selmana Cultural de La Salle en Xixón, xineru 2008

Espublizada n’asturnews el 24 de xineru de 2008.

————————————————————-
Inaciu Galán nuna conferencia

El Colexu de la Salle, en Xixón, lleva tola selmana celebrando la so Selmana Cultural y güei va cuntar cola presencia del escritor y presentador de la TPA y la Cadena SER, Inaciu Galan y Gonzalez, que va dar una charra titulada “Facer televisión n’asturies”, na que va poder vese un documental preparáu por alumnos del centru y pol propiu autor a costafecha pa la ocasión y nel que se pue ver el procesu de realización del so programa de la TPA, “Al Aldu: Xente de Casa”. Güei tamién, a les doce y media la mañana escritor, etnógrafu, dibuxante ya ilustrador Alberto Álvarez Peña va falar de los “Mitos del Conceyu de Xixón”.

L’últimu día de la selmana cultural va abrise mañana con una reflexón sobre “Los llibros…”, a la que va siguir, a les 11 hores una segunda sesión de la charra d’Inaciu Galán “Facer televisión n’asturies”, que va repetir la conferencia de güei pa dellos alumnos más del centru.

Noticia: Inaciu Galán echó’l pieslle a la Selmana Cultural del colexu de La Salle en Xixón, xineru 2008

Espublizada n’asturnews el 25 de xineru de 2008
——————————————————————
25/01/2008

El Colexu de la Salle, en Xixón, lleva tola selmana celebrando la so Selmana Cultural ya’l vienres echó’l pieslle a estes xornaes el presentador de la TPA y la Cadena SER, Inaciu Galan y Gonzalez, que tuvo dando la conferencia “Facer televisión n’Asturies”, nesti casu p’alumnos de bachiller. Na charra, va poder vese un documental preparáu por alumnos del centru a costafecha pa la ocasión y nel que se pue ver el procesu de realización del so programa de la TPA, “Al Aldu: Xente de Casa” dende la realización del guión y hasta la so emisión.

Noticia: L’Academia de la Llingua Asturiana asoleya la Toponimia de La Collá (Siero), xineru 2008

toponimia118.jpgEspublizáu en asturnews el 31 de xineru de 2008.

—————————————————————-
Inaciu Galán y Marta Lozano son los autores del trabayu espublizáu estos díes

Portada de la “Toponimia de la parroquia de la Collá (Siero)”

L’Academia de la Llingua Asturiana ta acabante d’asoleyar un númberu nuevu de la so coleición “Toponimia”, que recueye los topónimos menores de parroquies asturianes y que lleva con esti trabayu 120 entregues. Esta última entrega de la coleición correspuende a la parroquia de La Collá, asitiada en Siero. El trabayu ta firmáu por Inaciu Galán y Marta Lozano, que ganaren con esti trabayu’l concursu d’investigación de l’ALLA del añu 2007.

El trabayu recueye alredor de 400 topónimos de praos, caminos, regatos, montes y otros espacios de la parroquia, que recoyeron oralmente Inaciu Galán y Marta Lozano Carbajal. Xunto a esos nomes apaecen dellos datos llingüísticos sobre les peculiaridaes nesti campu dientro de la collación.

La Collá ye una de les ventiocho parroquies del conceyu de Siero, asitiada al nordeste del mesmu, a ocho quilómetros de La Pola, la capital del conceyu. Tien una superficie de 6’67 Km2 y una población d’unos 225 habitantes. La Parroquia ta formada polos barrios de Fresno, Güerbu, El Pibidal, La Collá Tras y Ceñal.

dscf0134.JPG Una imaxe de La Collá

Otros nomes de La Collá, como exemplu, son El Piñíu, L’Abregáu, La Berruga, Caflor, La Braña, El Camín de la H.uente, El cuitu, Casa Veneros, Los cierrucos, El Forcón, Fonfría, Los Ponticos, Les Xenres, El Xuanicu y una llarga riestra de topónimos que recueyen la riqueza llingüística, cultural ya hestórica de la parroquia.

D’ente los trabayos de parroquies de Siero espublizaos, esti ye’l númberu cuatro. Tán asoleyaos na coleición los trabayos de Marcenao, Aramil y Santolaya.

Noticia: Lluis Antón González ya Inaciu Galán van llevar el monólogu modernu al Campoamor esti domingu, marzu 2008

Espublizada n’asturnews el 7 de marzu de 2008
——————————————————————–

07/03/2008

alalducabecera2.JPGInaciu Galán y Lluis Antón González

Cola llegada de Xosé Arias Cachero “Felechosa” a la Conceyalía de Cultura del Conceyu d’Uviéu ta buscándose modernizar la Muestra de Folclore Ciudá d’Uviéu y nesi sen, esti domingu van poder vese dos monólogos del nuevu monóloguismu asturianu, conocíu como Monólogu Modernu.

Los actores van ser nesti casu Lluis Antón González ya Inaciu Galán y González, que dende va años trabayen esti campu, Galán dende l’Asociación Xareos!, qu’entamó la renovación d’esti xéneru y Lluis Antón González collaborando con esta última y al traviés del programa de la TPA, Al aldu: La Risión.

Los guiones de los monólogos son obra de Chechu García, Isaac de G. de l’Arada y el propiu Inaciu Galán.

La entrada ye d’un euru y la hora, les 11’45 de la mañana.

Noticia orixinal

Noticia: Ismael María González Arias, Xabiero Cayarga, Cristóbal Ruitiña y Inaciu Galán ganen los premios lliterarios del Principáu, avientu 2005

Espublizada en lliteratu.com el día 15 d’avientu de 2005 

—————————————————————————

El patiu de la Conseyería de Cultura valió’l xueves 15 d’avientu como escenariu pal actu d’entrega de los premios lliterarios en llingua asturiana que convoca añalmente’l Principáu.

Ismael María González Arias cola so novela “L’alcordanza del agua ente les manes” algamó’l Xosefa Xovellanos de Narrativa y Xabiero Cayarga recibió’l Xuan María Acebal de Poesía por ‘Les llingües de la hidra’. Cristóbal Ruitiña ya Inaciu Galán algamaron los galardones de les dos categoríes periodístiques del Premiu Enriqueta González Rubín.

Cristóbal Ruitiña ye un periodista que colabora en diversos medios, ente ellos el semanariu Les Noticies y desenvuelve los sos llabores como responsable de prensa del Ayuntamientu de Cangas del Narcea. El trabayu pol que lu premió’l xuráu del Enriqueta González Rubín fue’l reportaxe tituláu: “Una historia de la mina poco conocida” publicáu en Les Noticies.

L’otru galardonáu na categoría audiovisual, Inaciu Galán, empobina l’espaciu radiofónicu d’Onda Peñes “Asina foi el surdimientu” y el trabayu pol que recibió’l premiu fue “Homenaxe n’alcordanza de Mánfer de la Llera”.

Sobre Ismael María González Arias y Xabiero Cayarga, ganadores del Xosefa Xovellanos y del Xuan María Acebal respectivamente, falaremos n’otra sección, onde vamos poder lleer un pedazu de los testos presentaos a concursu. Estos dos galardones tán dotaos con 6.000 euros caún y les dos categoríes del Enriqueta González Rubín con 3.000 euros.

Noticia: El bable, en onda; La Nueva España febreru 2007

Noticia espublizada en La Nueva España del 26 de febreru de 2007
——————————————————————-
La emisora local nació en 2004 para apoyar el movimiento asturianista

inaciu con xune elipe Inaciu Galán y Xune Elipe, vocalista de «Dixebra».

Lluanco,
I. GARCíA
Onda Peñes, la radio gozoniega, sigue su andadura con ilusión tres años después de haberse estrenado. En 2004 comenzó esta aventura radiofónica de mano de un joven gijonés de 18 años. Inaciu Galán se planteó, entonces, hacer un programa para celebrar el trigésimo aniversario de la fundación de Conceyu Bable, la primera de las asociaciones lingüísticas asturianas surgida en 1974.
Por los micrófonos del estudio de «Asina foi… el Surdimientu» pasaron las voces de literatos en lengua asturiana como Adolfo Camilo, Xosé Lluis García Arias y otras personas relacionadas con este mundo como Xune, cantante de «Dixebra». En el programa se intentaba reflejar cómo había evolucionado el movimiento asturianista desde que comenzara a dar los primeros pasos Conceyu Bable. «Pude ver los avances y los retrocesos que tuvo el mundo asturianista que, aunque parezca que no, es muy diferente y plural, hay opiniones para todos los gustos», recuerda Inaciu Galán.

Hubo un programa que el promotor de Onda Peñes disfrutó por encima de todos los demás: con el ya desaparecido Mánfer de la Llera. «Falleció meses después de que pasara por el programa, siendo éste el último medio en el que participó».

Por otro lado, Inaciu Galán fue el primero en hacer un diccionario de asturiano-inglés y viceversa. «Cuando presenté el diccionario, toda una innovación, no vino ni un concejal. El otro día se presentó el diccionario de catalán-sánscrito y fue toda la cúpula del Gobierno de la Generalitat», lamenta Inaciu Galán.

Noticia orixinal na edición dixital de La Nueva España

Xixón acoyerá´l primer club de la comedia n´asturianu, febreru 2005

Noticia espublizada en La Voz de Asturias por mor del Ier Certame de Monólogu Modernu, el 10 de febreru de 2005
——————————————————————–

COMEDIA CERTAME
Xixón acoyerá´l primer club de la comedia n´asturianu
Los monologuistes van ser Caamaño, Antón González y Benxa Pérez

10/02/2005 PAULA SUAREZ

benxa_inaciu

Inaciu Galán y Benxa Pérez.
Foto:DANIEL MORA
Los monólogos n´asturianu tuvieron siempre normalizaos, pero nestos tiempos quiciabes el so conteníu nun seya tan actual. Así piensen Inaciu Galán y González y Benxa Pérez, que tán organizando´l I Certame de Monólogu Modernu n´asturianu. Esti certame va ser el 3 de marzu na sala Albéniz de Xixón y tien como enfotu modernizar esta estaya de la cultura asturiana. A xuiciu d´Inaciu Galán, el problema qu´esiste nestos momentos ye que los monólogos nun son mui actuales, sinón que tan arrequexaos nuna temática rural y nada estética de “boina y cayáu” que nun resulta mui atrayente pa la mocedá d´anguaño. La intención d´estos dos estudiantes, que montaron la empresa H.a. Xareos, ye que la guerra d´Irak, el teléfonu eróticu o incluso una parodia de los propios asturianos protagonicen estes interpretaciones en tonu d´humor. “Hai tradiciones que pa mantenese tienen qu´actualizase”, diz Galán.

Viendo´l punxo que los monólogos taben teniendo en castellán y contando colo enraigonaos que taben n´Asturies, estos dos mozos camentaron que ya yera hora de qu´esta parte de les artes escéniques siguiese faciéndose nel sieglu XXI y pudiere ser un referente na vida cultural de los asturianos, con unes formes y una temática renovaes.

Asina montaron esti Club de la Comedia n´asturianu, que va contar cola interpretación de los actores Toño Caamaño, Lluis Antón González y el propiu Benxa Pérez. Dellos de los testos tán escritos polos mesmos monologuistes y otros fízolos l´escritor Chechu García. Pesie a que los monólogos tán enraigonaos n´Asturies, ente la xente más moza nun hai muncha costume de representalos y menos de facelo en público, como va pasar na Sala Albéniz. Galán y González ye de los que piensen qu´esti espectáculu pue valir pa qu´otra xente vaya animándose y pa dir renovando los actores.

Enantes de les actuaciones de Caamaño, González y Pérez, va a haber una “prefolixa” y dempués va tocar Tarañu. Los monólogos presentarálos Inaciu Galán, que tamién collabora con Tele Xixón, la cadena que grabará l´actu. H.A Xareos tien como fin organizar tou tipu d´actos culturales y d´ociu col enfotu de normalizar la llingua asturiana.

Xixón acoyerá´l primer club de la comedia n´asturianu ( La Voz de Asturias – 10/02/2005 )

L’Arribada, “vagamar lliteraria en Xixón”, entama esti vienres, 14 de setiembre

Noticia apaecida en Les Noticies el 10 de setiembre de 2007

——————————————————————-
cartelu2007 L’Arribada, la “vagamar lliteraria en Xixón”, entama esti vienres 14 con una multitú d’ectos que se van desenvolver, día a día, hasta’l 22 de setiembre. Recitales, exposiciones, presentaciones de llibros van vertebrar unes xornaes intenses organizaes cola ambición de visibilizar los productos culturales asturianos y atopar “los nuevos rumbos de la lliteratura asturiana”.

El vienres 14, a les 12:00 hores, entamarán los actos cola apertura, nel Centru Cultural del Antiguu Institutu de Xixón, del “Espaciu editorial”; a esa mesma hora, nel patiu de la mesma institución, va presentase “Vagamar”, periódicu de l’Arribada, y va producise l’apertura d’una exposición pictórica, “Palabres pa la llibertá”, nel vestíbulu de la 2ª planta del mesmu edificiu.

A les 17:00 arribarán, en barcu, los congresistes al puertu deportivu de Xixón, que d’ehí enfilarán a sentir los sos propios textos en boca de destacaos políticos del ámbitu municipal xixonés y asturianu. Esi actu de llectura de textos lliterarios de los grupos políticos del Conceyu de Xixón va celebrase nel Salón d’Actos del Centru Cultural Antiguu Institutu y ta previsto, hasta’l momentu, que llean les siguientes personalidaes: de parte del PP, Pilar Fernández Pardo, Manuel Pecharromán, Dorinda García, Pablo González, Gabriel Díaz, María Teresa Menñendez; de parte del PSOE, Justo Vilabrille, José Manuel Sariego, José Ramón Tuero y Dulce Gallego; de parte d’IX-Bloque por Asturies, el diputáu, ex conseyeru de xusticia, Francisco Javier Valledor.

A les 19:30 va ser la inauguración de la exposición “Palabres pa la llibertá” a les 20:00 hores, nel patiu del edificiu históricu, va poder sentise’l conciertu “Ayalga Sinfónica”.

Con esta xornada entama un congresu nel que, hasta’l día 22 de setiembre, van celebrase mui bien d’actos lliterarios. Humberto Gonzali, Xaviel Vilareyo, Xosé Lluís Campal, Xosé Nel Riesgo o Inaciu Galán –señalamos namás una parte mínima de los participantes– expondrán énte los xixoneses la evolución d’una lliteratura que cada vez tien más voces.