La revista d’autores mozos diz adiós a dellos de los más “vieyos” pa garantizar la so mocedá cuando cumple 5 años nel mercáu lliterariu
Xareos! Xestión Cultural espubliza un númberu nuevu de la revista de lliteratura “mui” moza, Formientu, que cumplió 5 años apocayá, con dos númberos añales saliendo al mercáu lliterariu. Y dempués de cinco años llegaba’l momentu de dicir adiós a dalgunos de los sos collaboradores, qu’entamaron siendo bien mozos y que tienen yá encadarmada una carrera lliteraria, con premios y volúmenes propios nel mercáu en munchos casos. La renovación xeneracional ye imprescindible nuna publicación d’estes característiques, pues ye la so esencia mesma la que cuerre peligru si nun tamos atentos a l’anovación de los autores. Por ello dende’l númberu viniente, el 10, namás van poder espublizar testos los autores ñacíos dende 1980 n’adelantre, tarazando cinco años la edá máxima permitida pa la publicación nesta revista “mui moza”. (más…)
Cuatro revistes lliteraries n’asturianu dan nesti momento la midía de la fortaleza de la escritura na nuesa llingua
La vitalidá de la lliteratura
ANTÓN GARCÍA Ésta ye, al mesmu tiempu, la publicación más veterana de la lliteratura asturiana y la más nueva. En mayu de 1983, coincidiendo col IV Día de les Lletres Asturianes, l’Academia de la Llingua Asturiana sacaba’l númberu 6 de la revista «Lletres Asturianes», dedicáu enteramente a la creación lliteraria. D’entós p’acá, puntual a la cita de les Lletres, cada mayu l’Academia asoleyaba un especial lliterariu. Sicasí, en mayu de 2009, la entrega varió: l’especial de Lletres independízase y pasa a llamase «Lletres Lliterariu», anunciando un númberu añal cada primavera. Por eso dicimos que ye la más veterana y la más nueva de les revistes. Mantién el formatu de «Lletres Asturianes», el papel y el diseñu interior, con cambios mínimos (tipografía del nome, una banda ilustrada de lletres) na cubierta. Ye’l númberu del XXX Día de les Lletres Asturianes, que se celebró’l 8 de mayu de 2009.
Si aquellos especiales marcaron el pulsu de la lliteratura que se fexo n’asturianu nestes tres décades, «Lletres Lliterariu» hereda’l testigu y sigue per esi camín. Ilustráu por Ástur Paredes con semeyes de peslleres, el so conteníu lliterariu preséntase ordenáu en cuatro estayes: poemes, prosa, tornes y teatru. Al frente de too ello va un breve y emotivu poema de Nené Losada, «L’amor», qu’acababa de finar pocos meses enantes, y que repite con más poemes dientro. Como solía ser habitual nos «Lletres Asturianes» lliterarios, la nómina de colaboradores ye amplia, variada y desigual. Participen autores de distintes edaes y tendencies creatives: Manuel Asur, Roberto González-Quevedo, M.ª Esther García, Xuan Porta, Xosé Lluis Campal, Xuan Carlos Crespos… Xaviel Vilareyo publica una obrina de teatru, traduzse obra del estoniu Jüri Talvet (por Josep Carles Laínez), de Kavafis (Helena Trexu), del malagueñu Pedro Gálvez (Inaciu Galán) y de Clarín (Xaviel Vilareyo). Hai autores con una sólida obra tres d’ellos: los poemes de Marta Mori y d’Aurelio González Ovies, les «olivines» de Vicente García Oliva, los relatos de José Luis Rendueles, Berto Cobreros o Xe M. Sánchez… D’ente lo que publiquen los más mozos destaca’l diálogu «Fast food» d’Abel Martínez.
Dientro de la revista tien abondo pesu la creación poética en gallego-asturianu, representada pola brillante María José Fraga, por Alfredo de Ponticiella, por Miguel Rodríguez Monteavaro, por Vilareyo (que participa en toles estayes) y por Aurora Bermúdez.
Esta revista, tamién veterana, publícala igualmente l’Academia de la Llingua dende 1990. Diríxela l’académicu Xosé Bolado. Anque tea editada pola Academia, el diseñu y la so concepción global nun tienen nada que ver cola revista qu’acabamos de reseñar: de formatu grande, con espacios blancos y semeyes a toa páxina (nesti casu son de José Javier González), tien un diseñu atractivu, más modernu. Pue dicise que los colaboradores d’esti númberu 26 (primavera 2009) son toos firmes conocíes: Quique Faes, Vicente García Oliva, Esther Prieto y Xuan Xosé Sánchez Vicente publiquen un cuentu cadún. Si quitamos los llibros xuveniles de García Oliva, los cuatro va tiempu que nun editen narrativa, especialmente Esther Prieto, que lleva ensin asoleyar prosa dende la so novela «Güelu Ismail», de 2002.
Nel apartáu de poesía destaca la colaboración sentida de Paz Fonticiella, un poema de dolor conteníu y imáxenes acertaes; Fonticiella pertenez al conseyu de redacción de la revista y desconocíemos esta faceta creativa d’ella. Tamién publiquen poesía Xosé Bolado, Berto García (un haikunariu) y Ignaciu Llope. Roberto González-Quevedo avérase a la narrativa d’Eva González, qu’amás de ser la so madre foi una escritora que dexó fonda güelga nos qu’asistimos maraviaos a la so llegada a les nueses lletres, naquella serie «Na nuesa tsingua» publicada ente 1980 y 1990. Amás de poemes, Eva González dexónos un bon montón de cuentos qu’espliquen meyor qu’un tratáu cómo yera la vida (y polo tanto la cultura) de la sociedá agraria que-y tocó vivir y ver morrer. Nesti trabayu anuncia González-Quevedo otra obra inédita de la madre, Historia de la mia vida, una narración autobiográfica pola qu’esperamos con ganes.
Esti númberu piésllase con una llarga reseña que Xuan Santori fai al llibru «Animal estrañu» de Pablo Antón Marín Estrada. Pero enantes Xabiero Cayarga traduz del alemán, cola solvencia que lu caracteriza, quince poemes mayores de Rose Aüslander (1901-1988). Pilar Fidalgo brinda un homenxe a la poeta Herme G. Donis (asturiana nacida en Valladolid y residente en Madrid), de la que traduz el poema «Camino».
Dirixida por Inaciu Galán, editada dende’l númberu 4 por La Cruz de Grau (con meyor diseñu y más ordenada), esta revista que se subtitula de «lliteratura mui moza» llega al númberu 6. El so formatu habitual ye’l d’un cuadernu. Empezó a salir en 2006, y peles sos páxines van publicando los escritores nacíos na década de los setenta y de los ochenta. Nesti númberu hai autores d’obra conocida y reconocida, como Héctor Pérez, Ricardo Candás y Berto García; otros tán dándose a conocer: Javier Cayado, Benxa Pérez, Fran Melero o Abel Martínez. Jorge y Manuel Fernández García fain xuntos un homenaxe a la güela. Pero nesti númberu llamen l’atención dos colaboradores, sobremanera pola so procedencia: Daniel Estrada, nacíu en Santander, y Llucía di Salvo, de Bonos Aires, de madre asturiana.
La parte final de la revista dedícase a publicar los relatos ganadores, accésits y encamentaos del I Certame de microrrellatos mozos «Formientu». Nun se diz na revista, pero’l llargor máximu que se permitía pa participar yera d’ochenta caracteres, una llinia nuna páxina estándar d’ordenador. Los ganadores ex æquo fueron Pablo A. Quiroga y Rubén Rey.
Esta revista lliteraria diríxela José Ángel Gayol y ye una publicación de la Editorial Universos. El primer númberu salió en 2008 y esti segundu, dedicáu a Mieres (ta ilustráu con fotos antigües del conceyu), en 2009. Tien un formatu de llibru con secciones, y destaca nella la curiada selección de colaboradores y de colaboraciones. Nótase la mano crítica del so director, dalguién con idees bien clares de lo que ye la lliteratura y de lo que tien que ser una revista lliteraria.
Empieza, na estaya «N’abertal», con un interesante y personal artículu d’Ismael González Arias sobre la vida lliteraria de Mieres nos años setenta. Namás se-y pue obxetar la brevedá. Ente les colaboraciones «En prosa», Miguel Rojo recupera un cuentu yá publicáu y premiáu nos años setenta. Dos poetes habituales, Ánxel Álvarez Llano y Héctor Pérez publiquen respectivamente tres microrrelatos mineros y un cuentu breve. En gallego-asturianu escribe Xavier Frías Conde. Xabiero Cayarga, Lluis Portal, Joaquín Fernández y Jorge Fernández García tamién colaboren con relatos. Esa sección piésllala Xosé Ramón Martín Ardines, ún d’esos autores siempre interesantes, que se lleen con gustu, pero d’obra tan dispersa que ye difícil facese una idea de la so aportación a la lliteratura asturiana. «En versu» publiquen dos escritores d’obra sólida, Vanessa Gutiérrez y Xuan Santori. L’aportación de Laura Marcos, una xoven y buiciega autora de formación sólida qu’empieza a asomar a estes publicaciones y a los blogs lliterarios con muncho que dicir, ye una aceda traducción de Jonathan Swift. Después d’una reflexión de Xulio Arbesú sobre la escritura de cuentos, la revista piésllase con reseñes, poques pa una publicación añal, firmaes por José Ángel Gayol y Miguel Ángel Gómez.
Sorprende que frente a cuatro revistes «analóxiques», en papel, nun exista nesti momentu nenguna dixital nel ricu ciberespaciu n’asturianu. Hubo una, «Lliteratu», dirixida por Próspero Morán y redactada por Vanessa Gutiérrez, qu’empezó a publicase n’ochobre de 2005. Pero a partir del 1 de xineru de 2008 (númberu 14) nun volvió actualizase. Anque sigue colgada na so páxina web (lliteratu.com), nun se pue dicir que siga publicándose.
[…] O día 2, á la una de a meyodiada, asistié en a biblioteca de o Campus del Milán,d’Uviéu, á la presentazión de o lumero 2 de a rebista literaria Formientu, adedicato en ista ocasión á os narradors más chóbens. Dimpués de leyer as fuellas de a rebista, soi zierto que a narratiba en luenga asturiana tien guarenziata la suya continidá en o tiempo e que Inaciu Galán e tota ista catupla de chóbens escritors cadiellos ban á estar de seguro o relebo chenerazional nezesario asinas como a empreñatuara que faiga puyar a masa –a cantidá e tamién as cualidaz- de a literatura feita en dito idioma. […]
La revista Formientu, asoleyada por Xareos! Xestión Cultural y la editorial La Cruz de Grau, va presentar el númberu 6 de la so trayectoría, qu’entamó en 2007 y que busca espublizar la obra de los autores más mozos de la lliteratura asturiana y dala a conocer. L’actu va celebrase nel palaciu Villa Madalena d’Uviéu, el martes, 12 de xineru, y a partir de les 19:30 hores cola presencia de los autores qu’apaecen nesti númberu, la dirección y l’editor de la mesma.
Nesti númberu seis apaecen autores avezaos de la revista, amás de delles novedaes, como ye’l casu d’Abel Martínez, Daniel Estrada, Llucía Di Salvo León, fía d’emigrantes asturianos en Bonos Aires, y Manuel Fernández García, qu’escribe a comuña col so hermanu Jorge, habitual de Formientu. Amás de Javier Cayado Valdés, Benxa Pérez, Héctor Pérez Iglesias, Fran Melero «Frantxu» y Ricardo Candás.
Súmense tamién a la edición los rellatos ganadores del I Certame de Microrrellatos Mozos «FORMIENTU», que convocaron esti añu Xareos! y la editorial La Cruz de Grau col envís d’afalar “la creación lliteraria y ayudalos a afondar nes sos posibilidaes creatives”. A los rellatos que llevaron premiu o accésit, súmense los escoyíos pol xuráu pa la so espublización.
Los ganadores van recibir un premiu y diploma acreitativu nun actu que va celebrase al empar d’esta presentación del númberu 6, en Villa Madalena. Nel mesmu va facese un recital, a partir de les 20 hores, nel que van participar: Pablo X. Suárez, Alejandra Sirvent, Abel Martínez, Frantxu Melero, Rubén Rey y Jorge Fernández García.
Formientu ta dirixida por Inaciu Galán y el so Conseyu de Redacción ta formáu pol escritor Benxa Pérez y l’editor César García, coordinaos pola escritora y filóloga Laura Marcos.
Nel actu van entregase los gallardones del I Certame de Microrrellatos “Formientu” y va facese un recital.
La revista Formientu, asoleyada por Xareos! Xestión Cultural y la editorial La Cruz de Grau, va presentar el númberu 6 de la so trayectoría, qu’entamó en 2007 y que busca espublizar la obra de los autores más mozos de la lliteratura asturiana y dala a conocer. L’actu va celebrase nel palaciu Villa Madalena d’Uviéu, el martes, 12 de xineru, y a partir de les 19:30 hores cola presencia de los autores qu’apaecen nesti númberu, la dirección y l’editor de la mesma.
Nesti númberu seis apaecen autores avezaos de la revista, amás de delles novedaes, como ye’l casu d’Abel Martínez, Daniel Estrada, Llucía Di Salvo León, fía d’emigrantes asturianos en Bonos Aires, y Manuel Fernández García, qu’escribe a comuña col so hermanu Jorge, habitual de Formientu. Amás de Javier Cayado Valdés, Benxa Pérez, Héctor Pérez Iglesias, Fran Melero «Frantxu» y Ricardo Candás.
Nesti númberu espublizamos tamién los rellatos ganadores del I Certame de Microrrellatos Mozos «FORMIENTU», que convocamos esti añu dende Xareos! y la editorial La Cruz de Grau col envís d’afalar la creación lliteraria y ayudalos a afondar nes sos posibilidaes creatives. A los rellatos que llevaron premiu o accésit, súmense los escoyíos pol xuráu pa la so espublización.
Los ganadores van recibir un premiu y diploma acreitativu nun actu que va celebrase al empar d’esta presentación del númberu 6, en Villa Madalena. Nel mesmu va facese un recital, a partir de les 20 hores, nel que van participar: Pablo X. Suárez, Alejandra Sirvent, Abel Martínez, Frantxu Melero, Rubén Rey y Jorge Fernández García.
Formientu ta dirixida por Inaciu Galán y el so Conseyu de Redacción ta formáu pol escritor Benxa Pérez y l’editor César García, coordinaos pola escritora y filóloga Laura Marcos. Formientu cunta con una ayuda de la Conseyería de Cultura d’Asturies.
Miércoles 13: Conferencia d’Inaciu Galán, Director de Formientu
Dientro de los mesmos actos de la Xunta d’Escritores 2010, el director de Formientu, l’escritor y periodista Inaciu Galán y González va falar del “Periodismu nuna llingua minorizada” a les 18,30 hores del miércoles 13.
Inaciu Galán y González anguaño ye redactor de los periódicos dixitales Asturnews.com y Lliteratu.com, presenta’l programa de televisión ‘Al aldu: Xente de casa’ na TPA y dellos espacios na cadena SER. Ente 2003 y 2005 dirixe dellos programes n’Onda Peñes, recibiendo nel añu 2005 el Premiu “Enriqueta González Rubín” de Periodismu, otorgáu pol Principáu d’Asturies.
ENTREVISTES 10 de xunetu de 2009 . Diariu El Comercio.
INACIU GALÁN. DIREUTOR REVISTA ‘FORMIENTU’
«Los llectores son el meyor termómetru del nuesu trabayu» El direutor de la revista ‘Formientu’ añuncia «un concursu de microrrellatos en diez pallabres col que queremos buscar talentos»
ENRIQUE CARBALLEIRA
La revista lliteraria ‘Formientu’ estrena nueva época con dellos cambios importantes, dende’l diseñu al conseyu de redaición. Inaciu Galán dirixe esta publicación col oxetivu d’echar un gabitu a los autores mozos que se tan convirtiendo yá nel presente y nel futuru de la lliteratura asturiana.
–Estos díes preséntase’l númberu cinco de ‘Formientu’. ¿Qué destacaría de los sos conteníos?
–Nesti númberu, como siempres, tentamos tar abiertos a propuestes lliteraries nueves. Autores qu’entamen y tienen na revista una oportunidá de dase a conocer y dir poniendo la so lliteratura énte’l güeyu llector, énte la crítica.
Estrénense nesti númberu Rubén Rey y Javier Cubero, amás d’abrir un espaciu pa les traducciones, nesti casu de lliteratura catalana.
–Tamos ante una nueva época de la revista. ¿Qué cambios se fixeron de cara a esti númberu?
–Dende’l númberu anterior, asoleyamos la revista en collaboración cola editorial La Cruz de Grau y vamos meyorando’l diseñu, en manes d’Andrés Alonso Moutas, que ta faciendo un mui bon trabayu. Amás, estrenamos equipu pal Conseyu de redaición.
–¿Qué se buscaba con estos cambios?
–Nel casu de la maquetación y el diseñu l’oxetivu ye pone-y a la lliteratura moza nel meyor envoltoriu posible, dalgo imprescindible pa llegar al llector. D’otra banda, el Conseyu de redaición nuevu vien a da-y puxu a la calidá lliteraria de la revista, daqué que tien una importancia vital nuna publicación.
Esti llabor d’esbilla de testos y de diálogu colos autores nótase yá nesti númberu.
–¿Quién forma’l conseyu de redaición?
–L’equipu ta formáu agora pola escritora y filóloga Laura Marcos, como coordinadora, César Santiago, l’editor de la revista, y Benxa Pérez, escritor. Amás yo, como direutor, participando tamién del procesu, anque nesi sen el conseyu tien una autonomía mui importante.
Camiento que caún ha tener llendaos bien los sos llabores, pa facer un bon productu.
–¿Tienen dalgún calendariu de publicación previstu? –La idea ye sacar dos númberos al añu, y vamos consiguiéndolo dende 2006, con momentos de más dificultá. Agora, y gracies al apoyu de la editorial, nun vamos tener problema pa caltener los tiempos establecíos y sacar un númberu p’hacia mayu y otru alredor de setiembre o ochobre.
–¿Hai dalguna temática pola qu’apuesten especialmente?
–Eso dexámoslo a la llibertá creativa de los autores. El nuesu oxetivu ye apostar pola calidá lliteraria y polos escritores emerxentes, que son el futuru de la lliteratura asturiana y qu’han dir evolucionando a poco y a poco.
–¿Cómo ve la evolución de ‘Formientu’, dende la so creación en 2006?
–Soi optimista sobre’l futuru.
Entamamos con pocos medios, maquetándola nós mesmos, distribuyéndola como podíes y pasu ente pasu fuimos meyorando, lo mesmo na estética que na calidá, como tamién na xestión de la distribución. Pa ello ye importante ser permable a les crítiques constructives y dir deprendiendo de les opiniones de los llectores, que son el meyor termómetru del nuesu trabayu.
–¿Formen un bon paisaxe lliterariu los autores mozos asturianos?
–Creo qu’hai una bayura d’autores bien importante, en ‘Formientu’ espublizamos obra de más de cuarenta autores ñacíos de 1975 n’adelantre y siguen apaeciendo nuevos escritores.
Con resultaos desiguales van apaeciendo llibros d’estos autores qu’amuesen que la evolución ye positiva. Nesi sentíu pamidea ‘Formientu’ ta siendo un bon campu de pruebes.
–¿Cree que tienen bastantes calces pa facer llegar la so obra a los llectores?
–Esforciámonos muncho, tanto Xareos! como La Cruz de Grau, pa dar a conocer el proyectu.
Presentamos la revista en munchos conceyos asturianos y eventos lliterarios, y tenemos una páxina web www.xareos.
com onde tentamos d’averanos al públicu al traviés de la rede. L’alministración echa un gabitu coles ayudes, pero abandona la promoción, en xeneral, de la lliteratura asturiana, y más de los autores mozos. Esta mesma selmana vamos convocar un concursu de microrrellatos en diez pallabres col que queremos llamar l’atención sobre la revista y buscar nuevos talentos.
–¿Ónde pue tar l’ésitu d’una publicación como esta?
–L’oxetivu cuando fundamos esta revista yera ser escaparate de la última fornada d’escritores en llingua asturiana, y nesi sen, creo que consiguimos l’oxetivu. De toes formes, l’ésitu ha tar en caltenese nel tiempu y saber ameyorar en tolos sentíos, según les circunstancies de cada momentu.
Nel númberu nuevu ta dedicáu a la escritora Nené Losada Rico, finada apocayá.
Autor: XIXÓN, 10/06/2009
La editorial La Cruz de Grau y Xareos! Xestión Cultural tán acabante asoleyar el númberu 5 de la revista de lliteratura FORMIENTU, una publicación que busca aseolayar la obra de los autores más mozos de la lliteratura asturiana, dando a conocer a les nueves promeses de les nueses lletres.
Col oxetivu de siguir meyorando na calidá lliteraria de la revista, estrenamos Conseyu de Redaición, que pasa a ser fixu, de la mano de la filóloga y escritora Laura Marcos, como coordinadora, l’editor César García Santiago y l’escritor Bénxa Pérez. Un equipu que vien a da-y a la revista un trabayu d’analís y esbilla más fondu.
Como en cada númberu apaecen dellos nomes nuevos na revista, ye’l casu de Rubén Rey Menéndez, que vien col aval de dellos premios algamos y de Javier Cubero de Vicente, conocíu pol so trabayu como hestoriador n’otres publicaciones. Amás cuntamos con otra llarga riestra d’autores, espuesta más alantre, que vienen collaborando nel pasáu con Formientu y qu’amuesen novedaes, como les traducciones del catalán d’Iván Cuevas, feches con tol procuru y coles qu’abrimos una estaya inesplorada en Formientu, la de les tornes.
Apaecen nesti númberu: Rubén Rey Menédez, Javier Cubero de Vicente, Benxa Pérez, Héctor Pérez Iglesias, Inacio Rodríguez-Solar, Jorge Fernández García, Berto García, Laura Marcos Domínguez, Fran Melero «Frantxu», Verónica Canel, Javier Cayado Valdés, Miquel Martí i Pol tornáu por Iván Cuevas.
Formientu ñació nel añu 2006 dirixida por Inaciu Galán y embaxo la edición de Xareos! y dende entós vien espublizándose con regularidá, axuntando a los escritores más mozos del panorama asturianu d’anguaño. En 2008 Ediciones La Cruz de Grau asumió la xestión editorial de Formientu. La editorial prepara nesti momentu’l calendariu de presentaciones.
La Facultá de Xeografía y Hestoria de la Universidá d’Uviéu cellebra estos díes la XVI Selmana Cultural, centrada nos cuatrocientos años de la universidá asturiana. Nel programa yá hubo dellos actos nos que la llingua asturiana foi protagonista, como la presentación del ensayu sobre 1808 de Faustino Zapico y un alderique sobre revistes n’asturianu. (Formientu y N’ast)
Noticia espublizada n’El Comercio l’1 de mayu de 2007.
———————————————————————-
Llingua para invidentes
La OCE presenta editado en sistema braille un libro con fragmentos de novelas de 50 autores en asturiano
Miguel Morán
«L’enquiz d’aquel tiempu yera ser persona d’orde. L’orde nun yera tanto’l cumplir como ciudadanu, como asumir qu’esi que quedare establecíu tres la matadera de la guerra yera l’únicu posible», con este fragmento de la novela ‘La heredá’ de Xuan Sartori leído por María del Carmen Rodríguez Pérez, una invidente de la ONCE de Asturias, se presentaba ayer en Oviedo una edición del libro ‘5 minutos d’averamientu a la prosa asturiana moderna’ en el sistema braille. La consejera de Cultura, Ana Rosa Migoya, y el director general de Política Lingüística, Ramón de Andrés, acompañados del presidente del Consejo de la ONCE de Asturias, Abel González Acosta; la consejera delegada de la entidad, Imelda Fernández, y su jefe del departamento de Servicios Sociales, Siro Vaquero, estuvieron en la presentación que se enmarca dentro de los actos de la 28 Selmana de les Lletres Asturianes.
La obra coordinada por Ismael María González Arias, escritor y director de la Casa de Cultura de Mieres, es una recopilación de fragmentos de novelas de cincuenta escritores en asturiano que ha sido editada por KRK expresamente para la Selmana de les Lletres. Del volumen, uno de los pocos textos en esta lengua convertidos al sistema braille, se han editado dos copias en este sistema; una quedará depositada en la biblioteca de la ONCE de Asturias y la otra, en la Consejería de Cultura.
Abel González Acosta , recientemente nombrado presidente del Consejo de la ONCE en Asturias, recordó que desde su creación, en 1938, la entidad intenta «posibilitar que los ciegos puedan acceder al mundo laboral y a la cultura» y añadió que la ONCE se siente comprometida con la llingua e involucrarse en su promoción «es una señal de integración y participación social» del colectivo que preside. Con este proyecto –añadió– «la llingüa se acerca a la ONCE y los ciegos se acercan a la llingüa».
Para la consejera de Cultura Ana Rosa Migoya, «el libro tiene un contenido artístico merecedor de llegar a todo el mundo y la transcripción servirá para crear afición a las obras narrativas de la llingua asturiana» La consejera aprovechó también para felicitar a todas las personas que han colaborado para que «este proyecto sea una realidad» y manifestó que el sistema braille «no es un sucedáneo de ninguna lengua sino que es una forma de comunicación plena y la prueba está en que se puede escribir directamente en braille».
Nuevos lectores
El director la Oficina de Política Lingüística del Principado, Ramón d’Andrés, añadió que el Principado edita esta obra en braille para «lograr enganchar nuevos lectores de todos los ámbitos».
Los actos de la 28 Semana de les Lletres Asturianes continuarán mañana miércoles a las 12 de la mañana en el Centro de Cultura Antiguo Instituto Jovellanos con la apertura de la exposición ‘Ello yera una vez…un tiempo de traducciones (1974-2006)’ y, a las 13 horas, en el salón de actos del Campus del Milán en Oviedo de la presentación del número 2 de la nueva revista d en llingua asturiana ‘Formientu’, con la intervención de su director Inaciu Galán y los autores de la revista. Por la tarde, a las 19 horas, en el Aula Magna de la Universidad de Oviedo, se celebrará una mesa redonda con escritores representativos de las literaturas ibéricas bajo el título ‘Alcuentru coles narratives españoles’. La Selmana de Les Lletres se cerrará el próximo seis de mayo.
Xareos! Xestión Cultural espubliza un númberu nuevu de la revista de lliteratura “mui” moza, Formientu, que cumplió 5 años apocayá, con dos númberos añales saliendo al mercáu lliterariu. Y dempués de cinco años llegaba’l momentu de dicir adiós a dalgunos de los sos collaboradores, qu’entamaron siendo bien mozos y que tienen yá encadarmada una carrera lliteraria, con premios y volúmenes propios nel mercáu en munchos casos. La renovación xeneracional ye imprescindible nuna publicación d’estes característiques, pues ye la so esencia mesma la que cuerre peligru si nun tamos atentos a l’anovación de los autores. Por ello dende’l númberu viniente, el 10, namás van poder espublizar testos los autores ñacíos dende 1980 n’adelantre, tarazando cinco años la edá máxima permitida pa la publicación nesta revista “mui moza”. (más…)
Dirixida por Inaciu Galán, editada dende’l númberu 4 por La Cruz de Grau (con meyor diseñu y más ordenada), esta revista que se subtitula de «lliteratura mui moza» llega al númberu 6. El so formatu habitual ye’l d’un cuadernu. Empezó a salir en 2006, y peles sos páxines van publicando los escritores nacíos na década de los setenta y de los ochenta. Nesti númberu hai autores d’obra conocida y reconocida, como Héctor Pérez, Ricardo Candás y Berto García; otros tán dándose a conocer: Javier Cayado, Benxa Pérez, Fran Melero o Abel Martínez. Jorge y Manuel Fernández García fain xuntos un homenaxe a la güela. Pero nesti númberu llamen l’atención dos colaboradores, sobremanera pola so procedencia: Daniel Estrada, nacíu en Santander, y Llucía di Salvo, de Bonos Aires, de madre asturiana. 
INACIU GALÁN. DIREUTOR REVISTA ‘FORMIENTU’ 
